（獨媒報導）有網民號召今日（10月1日）國慶及中秋節，到全港各區進行「香城Online 10.1中秋行動」，在商場閲讀《蘋果日報》，以表達要求釋放於內地被扣押的12名港人。惟行動其中一個集合點荃灣愉景新城，僅不足十人響應。
念及12港人 不再慶中秋
三個年約30的女子準時到達愉景新城。她們拿著手機瀏覽資訊，似是等待著更多人聚集。
26歲的S小姐（化名）、28歲的D小姐（化名）都是幼稚園老師，和從事設計的梁小姐三人下午一同到愉景新城，她們說：「雖然今日係中秋節，但時下狀況唔值得慶祝。」她們解釋道：「上年嘅今日荃灣有人中槍，今日有12個手足仲喺深圳。」她們指，過往中秋節會與朋友出外慶祝，但自去年起已覺「無咩值得開心」，現時只希望12名港人能平安回港。
S小姐指前幾天在旺角行人天橋，寫明信片給12名在內地的港人，「其實除咗持續關注，自己可以做嘅唔多，亦都唔期望明信片可以落到佢哋手中，但想俾內地啲人知道我哋望住。」
S小姐、D小姐、梁小姐
聚集人數不足 「堅持行出嚟先」
三人在下午2時便到達愉景新城，等候了一個多小時，仍未見人群聚集，「呢個moment無人，我哋早啲嚟到等大家信心大啲；就算今日（荃灣）真係無人，5年、10年都一定會有人出嚟。」
問及她們對今天活動的期望，梁小姐說：「其實都係行出嚟，睇下點先知下一步，唔想越嚟越少人，就會無咗把聲音。」
她們三人自稱是「和理非」，在荃灣居住，今天選擇在荃灣而不去港島，S小姐坦言：「港島風險比較大，有好多防暴戒備，衡量過自己可以承受到幾大風險後選擇荃灣。」
面對《國安法》「唔會乖乖地做綿羊」
她們指，即使《港區國安法》通過後，叫喊「光復香港 時代革命」等口號或會違法，但她們強調不同人對「光復香港」有不同解讀，「政府都無深究過我哋想點，就透過恐嚇唔俾我哋做，我哋唔會乖乖地做綿羊。」
S小姐透露自己任教「紅底」的幼稚園，同事之間很少談及政治。她亦承認因為「驚青」，而不敢在校內提及政治，「教育局都講明會清算」，她還是希望保着自己的教育牌照。
訪問結束時已接近下午3時，但商場內聚集的人依然不多，S小姐說：「雖然而家因為疫情、『限聚令』同《國安法》，令香港人上街前多咗顧慮，但我深信香港人嘅火仲未熄。」
Kelvin
市民商場內睇《蘋果》
剛與她們道別，便看到年過40的Kelvin拿着《蘋果日報》在愉景新城的中庭出現。記者採訪他時，他帶著一點忌諱，只表示今天是「出嚟賀中秋，感受節日氣氛」。
Kelvin認為今天的《蘋果日報》中，印有「毋忘義士 釋放12」字眼的版面令他最為感觸及無奈，又直言「寧願佢哋喺香港坐監」。
他翻閱報紙時，有人高呼「光復香港 時代革命」，Kelvin表示支持叫口號的人，惟他承認自己被《國安法》嚇怕，又提到人民力量譚得志因「文字獄」被捕，使他對喊口號卻步，「香港未試過有文字獄，又未審先坐咗咁耐⋯⋯」
雖然擔心觸犯《國安法》，但Kelvin仍然希望能夠在盡可能安全的情況下「盡做」，他估計「睇報紙唔會拉嘅」。至於今日聚集人流稀少，問他打算留到何時，他稱「睇完報紙就走喇」。
直至下4四時，組織活動的Telegram頻道宣布，活動因人數不足而提早完結。
