（獨媒報導）獨媒早前報導，新界專線小巴809K（沙田站排頭街至水泉坳街）私下減班減車，「一車走天涯」，違反服務詳情表。其後運輸署發出交通通告，指此線會於本年9月14日至12月13日試行改經沙角街及逸泰街，即於沙角街加設分站，然後返回原有路線前往作壆坑村，車程增加1至2分鐘。同時，班次亦將調整至30分鐘一班。村民對改動持不同意見，有人更稱不論路線如何改動都不會再主動乘搭，斥「搞咁多嘢做咩」。
809K現時由冠榮車行旗下的冠志實業有限公司營辦，主要服務鄰近新入伙公屋水泉澳邨的謝屋村、灰窰下新村及作壆坑村一帶的鄉村居民來往沙田市中心，並會途經麗豪酒店及花園城一帶。
記者昨日早上於新加設的沙角街分站作實測，結果小巴分別於早上9時41分，10時10分及10時39分到站，與通告內表明所調整後的班次相若。惟於沙角街後「上山入村」的乘客仍然較少，除10時10分的班次因有3名郵差要派信而有4人乘搭外，其餘兩班車都僅有1人及2人「上山」。
村民持不同意見
於灰窰下新村居住的李先生表示自己為退休人士，「日日都會落嚟買餸」，他昨日於新站候車，對加站及調整班次表示歡迎。他認為，在改道及班次調整的通告發出後，班次的確「穩定咗」。佢又指，並不介意30分鐘才有一班車，「最緊要知幾時有車就得」。因該線早前列明20分鐘一班，惟實際卻是30-50分鐘不等，更試過2小時才有一班車。他認為小巴營運商「既然心甘情願投呢條線就要做落去」，維持合約精神。
灰窰下新村村民李先生
記者其後試乘路線到作壆坑村視察，居於作壆坑村的李先生指，不管路線作出任何改動，亦不會再主動乘搭此線。他表示對此線已失去信心，「搞咁多嘢做咩，都已經冇期望、冇希望、冇奢望」。他又指，自從九巴288（水泉澳邨至沙田市中心）線開辦後，便轉搭該線，「水泉澳行過嚟都係5至10分鐘，有App有保障」。他又著小巴營辦商「交返條線出嚟，放過自己放過人地」，不要令居民「心存僥倖，唔知等唔等架車好」。對於路線取消後居民如何下山，他指「有車就揸車，冇車就踩單車，再唔係叫王維基（網購）囉，我對搭唔搭到呢條線已經釋懷㗎喇」。
趙柱幫：運輸主任話會有2架車，但實際都仲係得1架
沙田區議員趙柱幫則表示，推斷改動與最近區議會「鬧得勁」及傳媒報導有關。他對加站表示歡迎，因沙田圍足球場附近在2年前有人過馬路時被車撞死，後來該處路段加設欄杆，車站被逼後移至半山，對到沙田圍站一帶的乘客造成不便，是次加站可解決相關問題。他稱，改道後初期雖收到零星投訴，不過與班次無關。他又指，運輸主任曾稱改道後會有2部車輛行走此線，惟據他觀察，實際上仍只得1架，「另一架都係擺喺總站」。他認為最理想的做法是將路線重組以吸引客源，而不是用1架車「吊住條命」，若然成功便可令營運商爭加車輛，以縮短輪候時間。
沙田區議員趙柱幫