（獨媒報導）民主動力早前選出新一屆執委會，加入多張新面孔，包括去年區選在沙田落敗的社區主任謝潔泳。民主動力召集人趙家賢表示，親自邀請對方加入，希望能一洗以政黨主導協調的形象，「佢（謝潔泳）係不完美機制嘅受害人，搵佢就係想話俾公眾知，民動希望求變革新。」
身兼東區區議會副主席的趙家賢，自2014年出任召集人至今，表示一直均欲打破政黨主導，改由地區為主。他亦對記者坦誠，「好多組織交啲名都有水份，擺個人淨係為咗佈陣。」新機制將按十八區的現實情況作協調，即由地區聯絡人、區議會正、副主席等人作溝通。
在民主動力的新一屆執委會名單中，副召集人分別為西貢區議會主席鍾錦麟，及沙田區議會副主席黃學禮，委員除了謝潔泳外，還有多名區議員，包括劉勇威、江貴生、黎梓恩、余德寶和任啟邦；當中並沒有其他民主黨成員。
重提劉青事件 指受民主黨壓力迫住簽支持
在反送中運動浪潮下，民主派在沙田未竟全功，較遲落區的民主黨劉青獲林卓廷力撐，最後和謝潔泳雙雙落敗。「我想嘗試唔簽俾佢（劉青），但受到民主黨的壓力，迫民動執委會要批（支持）俾佢。原有機制係會俾政黨組織利用咗灰色地帶，做成咁遺憾情況。」
對於劉青事件，趙家賢仍然有很大反應，指去年在耳朵受襲清醒後，看到對方的郵遞選舉廣告，「大大隻」印有民主派區選聯盟的標記。「我痛緊都彈起身，最後同預計結果一樣，分走咗謝潔泳嘅選票。」
點名轟林卓廷用盡民動機制灰色地帶
「今次改革，係好希望俾公眾睇到決心，唔再係大黨話晒事。」同為民主黨成員，但趙家賢近年已沒參選中委，他透露，在會員大會上曾對林卓廷作質詢，「2015年北區祥華，2019年沙田帝怡，全部『都關你事』。」
趙家賢明言，不滿林卓廷用盡原來機制中的灰色地帶去佈陣，令素人團體有不滿，「唔止影響民主黨，仲放大去睇民主派同素人嘅關係，破壞咗互信。」
DQ陰霾下作最壞準備
原定9月進行的立法會選舉押後，第四波疫情再起，選舉無期，人大更擬再出手DQ區議員。記者不禁質疑，仲講協調？趙家賢認為，對於不可決定的事，只能作最壞準備，重申區議會和市民息息相關，「佢要DQ，條紅線係點，根本係不可抗力、無人知曉，只能盡力守住吧。」