恭喜大家，捱過庚子鼠年，全球都想講句X你老鼠。
你老鼠，啲學生成年無著過校服。
你老鼠，啲食肆成年都無啖好食。
你老鼠，啲體育教練成年都無工開。
你老鼠，球場唔俾踢波俾攪花市。
你老鼠，日日見到好人坐監，壞人作惡橫行。
你老鼠，日日唔係宣誓就攪教師。
你老鼠，朝早返工夜晚封區，瞓都無得瞓。
你老鼠，口話愛國，仔女移晒民仲要開移民公司。
你老鼠，幾萬億喺庫房，窮過西都唔派錢。
你老鼠，俾人跳老舞唔俾攪選舉。
你老鼠，趕走民主派議員，剩返啲廢柴倒錢落海。
你老鼠，本來有兩本護照，而家得返一本。
過去一年，大家都在如此惡劣的情況下生活，仲要三日唔埋兩日見到條打壞毒婆狗噏，700萬人要陪佢顛，問你死未。過年流流，好多人都話唔好講咁多唔好嘢，開心返一日。頂你，年三十晚開電視見到條打壞，恭喜你牛年行好運，等如做緊喪事有人著紅色旗袍弔唁。
大陸化的日常
2020年，香港與大陸全面接軌，法制、正苦行政，差不多與大陸一樣。很多人說中資好有錢，好有規模，其他國家針對中資，怕與中資競爭…..下刪1000字。中資唔好講質素與水平，基本上出糧準時都做不到，十萬一個月又如何？今年過年，有朋友在中資工作，到年三十也未出糧，仆你個街，講乜嘢中國傳統，封利是都無錢。
舊年新年，一早啲醫護叫封關，攪埋罷工都唔理，啲含家剷保皇黨狗賊又話要拉又要殺，而家封到年二十九，你班賤人唔出黎幫啲街坊講兩句，返唔到工，猶如殺人放火。社區組織協會個彭鴻昌同埋條醫生走出黎話人罷工，而家人人都受影響，彭鴻昌你死左去邊？唔出聲？而家申請公屋有百份之二十係新移民，搶晒香港人啲資源，大把香港人同中產失業呀，你唔出聲？
仲有條死人地鐵，無端端整條大陸支付系統，用八達窿一啲就過，用啲咁既死人支付系統，慢過萬金油，去過七仔同OK就知，浪費你十秒是常識。平時啲天才同高貴女士，張八達通放喺袋死都唔攞出黎磨機，都可以放聲鬧佢，而家返工真要預埋啲「高質支付系統」，本來極速趕返工，而家閘口塞過紅隧，放棄地窿是常識。
初七有堂食好似皇恩浩蕩，要啲舖頭整個「濕鳩出行」先準入去，以前殖民地時代，華人與狗不得進入高級餐廳，而家放個死人二維碼喺門口要你掃描先準入，好彩老豆老母死得早，唔識用手提電話邊度都唔駛去。遲早去拜山、入殯儀館、同情夫／情婦爆房、睇咸戲都要掃描，問你死未。
辛丑和約現代版
今年是辛丑年，120年前，中國與八國簽下辛丑和約，賠款4億5000萬両，2021年，相信香港市民也要面對同樣的果局。未來一年，在正苦的「英明領導」下，庫房肯定倒錢落海，大部份中產也開始出走，樓價還可以維持？香港的交稅人口會上升？各大跨國銀行企業撤出中環，北水還有力支持？一間又一間中資出現問題，經濟會不爆煲？2020年大家坐穩，辛丑年更加要坐穩，今年的動盪肯定是前所未有。
2003年沙士後，自由行引入，根本只惠及部份行業，經濟只是表面復甦，整體的社會經濟型態走向單一，自由行帶來的地區問題、城市擠擁由整體香港市民承受。2020年一場疫症，藥房不行了、名店不行了、吉舖處處。過去沒有自由行的日子，香港經歷多次股災，都能調整反彈，是基於良好的政府施政。現時正苦的班子，沒有字句比一事無成更貼切形容。以往拜年，通常講恭喜發財，今年拜年，真係講句恭喜你老鼠！