【獨媒報導】保安局局長鄧炳強日前接受《大公報》訪問時點名批評記協，斥其拉攏學生入會，滲入校園宣揚政治思想。鄧炳強今日出席立法會後再狙擊，「建議」記協自行公布帳目和會員名單，以釋除質疑。被問到建議是否屬政治施壓，鄧炳強即稱：「我只係講我心底入面嘅說話啫，唔覺得係施壓。」
批記協偏幫《蘋果》、《立場》
鄧炳強指，早前接受記者採訪時對記協提出質疑，強調「啲質疑並唔係我個人，社會上都有相關質疑」，包括記協是否政治中立、是否有一個特別政治傾向。他又點名批評，過往《蘋果日報》及《立場新聞》記者宣稱有不合理對待時，記協都會「即刻第一時跳出嚟譴責」，「但係相對《東方日報》有個記者俾一個傳媒大老闆，甚至刑事恐嚇去到檢控階段，我哋睇到記者協會採取完全唔同態度。」
否認施壓 稱有責任為社會時局發聲
鄧炳強又「建議」記協應考慮公布過去收受捐款的明細及來源，包括有否涉及外國政治團體或人物，以澄清政治傾向。他又建議，記協應自行公開會員名單，並在「撇除個人資料」下公開會員任職傳媒機構，「如果拎出嚟開誠布公，我相信可以釋除好多疑慮。」
有記者問及，局方是否以《國安法》迫記協交資料，鄧炳強即稱「我只係建議」，「我諗如果你作為一個專業團體，連人哋問你呢啲問題去質疑吓你，你呢個器量都冇，我就有啲失望。」他亦否認是向記協施壓，「我只係講我心底入面嘅說話啫，唔覺得係施壓」，又指身為局長有責任為社會時局發聲，稱：「如果我每講一句嘢，人哋都話係施壓喎，咁我覺得對我，或者對政治問責官員，或者對任何人講嘢，都係唔公平。」
再轟記協當任何人係記者
鄧炳強又炮轟記協有「任何人記者呢個問題」，他指自己與記協一樣尊重新聞及採訪自由，所有人均可在街上採訪，但質疑「採訪是否就代表佢係一個記者呢？」他又斥記協將一名13歲學生稱為「學生記者」，強調記者應受過專業訓練，「我嘅概念入面，專業記者應該好似大家記者朋友咁經過考核，有專業信念、價值觀同操守」、「如果13歲小朋友都係學生記者，究竟記協入面嘅專業性去到邊到呢？」
記協一小時內發聲明反擊：公布會員資料違《私隱條例》
記協在鄧炳強見記者後不足一小時發聲明回應，批評鄧炳強指可在「撇除個人資料」下公布會員名單是邏輯混亂，又指會員所任職的傳媒機構屬「個人資料」一部分，無法依鄧炳強建議所行。
聲明又指，截至今午2時，有效會員共有486人，其中包括正式會員331人、附屬會員22人、公關會員34人，學生會員56人，另有退休會員及永久會員共43人。記協亦重申，根據《個人資料（私隱）條例》規定，未經當事人同意，本會不能披露會員個人資料；更直線反擊鄧炳強言論，指公開會員名單，「實在有鼓吹本會違反《私隱條例》之嫌」。