【獨媒報導】「獨立委員會」主席陸啟康法官今早一錘定音，指委員會不升格，維持現有形式續聽專家意見，意味多名拒絕出庭，或公眾希望傳召的官員或人士將「倖免」聽證會程序。居於宏泰閣的吳女士今早旁聽後，激動表示在大火中失去女兒和丈夫，女兒剛大學畢業，人生正要起步，卻在本來最安全的家中無辜喪命。她痛斥政府至今態度只是重覆表達「唔理想」：「唔理想即係有錯，你哋出嚟認錯吖嘛，香港無死刑㗎，你哋認錯畀死者一個安息，畀生者一個安心。你哋咁樣搞法，人哋點樣生活落去啊。」她又認為聽證會沒有法律效力，幫不到災民尋找答案。
「獨立委員會」不是法定調查委員會，一直備受質疑為「無牙老虎」，特首李家超去年為委員會設「先驅性、創新性」的「備用權力」，在首四輪聽證會中，坊間一直希望委員會動用該權力。
對於陸啟康不升格的決定，吳女士表示聽證會沒有法律效力，「畀唔到我哋一個結果」。她指犯了法的人可以不出庭交代，而聽證會成立目的是向居民交代事件，現在更似是拖時間，「拖落去即係迫死我哋啲災民」。她表示大火發生後，每日都承受很大心理陰影，「日日好似受到情緒起起落落，好難受，我哋唔想喊㗎，唔知點解啲啲眼淚自己滴落嚟」。
吳女士
「我個女啱啱先大學畢業，人生先啱啱開始」
她激動指，災民不是以災亂港，「最安全嘅屋企都可以咁樣無啦啦無咗條人命，因為佢哋監管不力，好多政府部門都話唔理想，唔理想即係有錯啦，你哋出嚟認錯吖嘛，香港無死刑㗎，你哋認錯畀死者一個安息，畀生者一個安心吖嘛。你哋咁樣搞法，人哋點樣生活落去啊」。她又痛斥有人因為「貪」，「就係呢個貪啊，搞到佢哋無咗人命」。
她在大火中失去女兒和丈夫，她哭訴：「我哋唔係一朝一夕咁養大個女㗎。我個女啱啱先大學畢業，人生先啱啱開始，我好辛苦養大佢㗎你知唔知啊。」大火發生後她雖然每日上班，但有時情緒來襲，現時她每個月都要覆診精神科並看心理醫生，每月上課程學習釋放情緒。
她又反問去世的人「做錯咩啊」，「我哋屋企有交稅㗎，唔係就咁樣無咗條命，屋無咗，可以再買過、申請政府樓，人生無咗條命就無㗎喇」。她又向在場傳媒表示，「每日見到你咁多條生命喺度，我好好羡慕你哋有生命，可以生存喺呢個世上啊」。
宏福苑火災獨立委員會 聽證會｜第二十五日
聽證會不升格 陸啟康稱與政治無關 斥媒體令人誤會「低層次調查」
遺屬指委員會無助尋交代 倘政府不認錯災民「點生活落去」