早兩日同成班友一齊食飯吹水，我問佢地「拉布」尼鑊野點睇？點知原來佢地對「出缺」「替補」係完全無概念既！我話你地無聽下雙方既論述既咩？班友話，論述？你咪晒能氣啦！學者、政黨、議員個能個都為自己利益著想架喇！信佢一成都死呀！我話你地講咁能多野，究竟有無睇過佢地 D 論述呀？佢地話，都搵九笨七既，睇黎晒九我 D 時間啦！你當我好能得閒呀？
那那那！尼 D 就係普羅大眾既認知內容勒，原來多數人都唔會聽事件既有關論述，然後作出理性分析，再落主觀判斷既，個能個都係靠過去印象，個人情感喜好，就去落一個對人生，對社會，對下一代既重要判斷。
係我個圈子入面，不論藝術工作者，作家，司機，中產，文員，工廠工人，但凡過左四張野既人士，原來超過五成都係政治冷感既，完全唔知政治係乜野，另外三成係缺乏分析能力既政治盲毛，剩低兩成就扮超然，咁能樣好能大鑊喎！超過四張野既人，九成九都咁能封閉，香港靠尼班友，遲能早瓜直啦！
我有時都好能心淡，見到班「飯民」鬼打鬼，四分五裂，俾到人既印象就係你班友各懷鬼胎，山頭主義，各自想撈自己既政治籌碼，無能晒誠信，咁樣叫人點投你一票呀！真係架！你而家有幾能出色既論述都無能用啦！無人聽得入耳架！而家個勢好能難搞架喇！你黃毓民又樹敵太多，就算你而家擺明做好事，人地都當你壞事黎睇架喇！最能慘你既識見映能得人地好無知呀！咁係人都有自尊心架！邊個會賣你既賬呀！有時叻得黎道霸氣又咁能強，都未必係一件好事黎架！
講能番同檯食飯班七頭丫！我真係同佢地講都晒九氣，個銀個都有能晒既定立場架啦！總之唔能好阻住佢地搵食，就話能之你班友係垃圾焗拉布丫！拉柴都無眼睇呀！一聽到狼震嬰九 up 話 13 年雙非零配額，就個銀個扯能晒旗叫萬歲，尼班乜能野人黎架！震鈴哥下下挾民意令「豬侯」，係好能得人驚架，用共產黨果套拉隴多數人，打擊小數反對派，尼種行政霸權，破壞晒三權分立，香港人既核心價值，遲 D 你香港人就知死架勒！到時佢大條道理去剝奪你既人權自由，個人利益，你都無得出聲架！
而家咁既情況，既然有人肯出黎做爛頭卒，點解我地唔去支持下呢？係現實角度黎睇，支持左佢地我地又唔會有損失既，尼 D 咁既議會抗爭點算激呀！點都好過建制保皇行使既議會霸權丫！咁即係如果我地重唔知「制衡」既重要性，只係睇到毓民既霸氣，而睇唔到行政既霸權，咁大家枉稱香港叻仔喇！
