資訊保安（三）—電郵

我地的立法會議對資訊科技上的保安知識落後，其實真係人所共知。好似係今年二月，前保安局局長葉劉淑儀就不慎開啟假冒港鐵主席錢果豐的電郵，誤中電郵陷阱，被騙徒騙取65,000美元。所以，好好管理自己的電郵保安，不但能夠保障自己不被盗取資料，更可以保障親友不受騙徒威脅。

設定兩步驟驗證

無論係Gmail, Ymail, Hotmail，絕大部份的email供應該商其實已經提供兩步驟驗證(2-step verification)，兩步驟驗證其實就係指除咗電郵本身的密碼外，會要求多一個一次性密碼，呢個密碼可以係由手機SMS即時傳送，或者係預設的密碼製成器(Token Generator)，由於一次性密碼有時限，過咗時限密碼就會失效，所以就算黑客已經掌握你的個人密碼，都難以開啟電郵偷取資料。

兩步驟驗證機制

小心附件陷阱

黑客通常會利用附件，偷取開件者的電腦資料，這些附件通常會以Excel、zip file甚至exe file傳送，所以遇件有附件的電郵時，應與寄件者再確認電郵內容，以免讓黑客有機可乘。

留意裝置活動與通知

其實現時大部份的web mail都有裝置活動記錄，定期檢查記錄，留意有無不明來歷裝置登入電郵，就可以輕易監察個人電郵有沒有被黑客入侵的記錄。當然還要盡量減少用公眾電腦登入個人電郵，以免遺下個人資料。

最後，當然係要核實來郵者身份以防受騙。真係唔明咁簡單的道理，電視又日日播，點解葉劉淑儀都會中招？！