「神奇小子」曹星如在7/10 晚「王者對決3」比賽取得個人廿二連勝，身為香港人嘅一份子，你同我都感到好驕傲，喺現今多拗撬嘅社會正正就係需要呢一種正能量！
喺呢場比賽佢意外受傷，影響到左眼仍然不屈不撓繼續作賽，作出一個好榜樣！今時今日嘅香港正正係需要呢一種力量，希望佢嘅鬥志感染到香港年青一輩，就算遇到挫折都唔會成為一個放棄的藉口。
睇到最後佢攞奬之後嘅講話，仲令到我有啲眼濕濕，事關從一個堅強的拳王口中，話佢左眼傷勢真係好痛好痛的時候，連我都感覺到佢全靠意志去支撐比賽。
作為一個拳手，意志堅定當然緊要，但是亦都要保持身體最佳狀態。除咗要節約飲食保持體重不能超過規定之外，不能飲水才是最難頂的一環，呢個脫水減磅過程連拳王Rex都話難頂。
不過依家佢可以食返多啲好嘢奬勵自己啦！作為Rex的一個粉絲，有幸的話，我都會想請佢食嘢，但當然係一啲健康推介，唔敢係高卡路里食品啦！
不過話說回來，亦都有權手作賽前因為唔夠重要增磅。其中一個例子就正正係曹星如師妹——林海明Sandy。
在「王者對決3」磅重前的早上，因為只得103磅，要食嘢增磅，最後成功以體重105磅達標。佢比賽前仲透露：「喺過磅之前，見到佢哋每個拳手都忍食好辛苦，好肚餓時，我就猛食，佢哋對我好憤怒。」咁又係嘅，人哋咁肚餓你仲喺佢哋面前狂食，梗係令佢哋羨慕妒忌啦！
星如，海明和一眾香港運動員，我哋支持你！