CCTVB臭名遠播廣州,索求撐粵語遊行影片被罵騙新聞

就像上年七一郭詠嘉被激到喊 <---郭詠嘉係咪你條女？阿郭小姐應該向佢公司 CCTVB 反映，點解咁多人批評呢個電視台，而唔係一見人反對自己公司就用眼淚搏同情，咁我都好明白，對於香港好多毒男來講，「新聞之花 / 新聞女郎」會帶來無限幻想，但事情要分開，郭小姐頂唔順呢類反對聲音，不代表不應有人提出反對。

仲有，唔好覺得今時今日所謂「記者 / 傳媒」好偉大，係有好多好記者，但亦有好多作故仔、炒作賣弄的不良記者，還有背後的傳媒老闆，老闆心術不良，低下的記者自然也不會好。

如果你問我，我會認同罵 CCTVB 的群眾，罵得並非無道理，片中有人說：「...唔好俾張記憶卡佢，俾左佢都唔會播架！」，證明群眾知道 CCTVB 是「和諧電視台」，取走了卡，只會騙取新聞，極有可能不播，或斷章取義扭曲事實。

至於我是否認同群眾罵 CCTVB，老實講，唔駛要你批準，明無？我亦唔須要跪求你 DAI ADORU 去「賞識」我的觀點，唔好覺得你睇下我的 Post 我就會當你是「尊貴客人」，我唔會的，Sorry你搵錯對象喇。我要的是從事實方面去討論，不是強求認同。

如果想要發表回應，請先登入或註冊。

週四, 2010-07-29 01:04 — DAI ADORU

覆陳大文︰你唔須要得人「賞識」，都唔好兜黎又兜去，左右而言曲撚到圓丫！

哈！真是真心笑左出黎。
陳生你宜家個款，講得俗D係「明明發姣又唔認」。

講到自己咁道貌岸然，點解又要POST出來喔？如果陳生你只係將你這篇「大作」放在你的私人花園，我當然睬你有味，不過先生你既然咁睇得起自己將你篇咁野放上黎，被人「賞識」絕對係你要有既心理準備同埋覺悟。

你個回覆仲長過你篇原文，又唔須要人認同又唔使人賞識又乜又柒，長篇大論一番之後，噢！原來你「不是要人認同」，一臉「WHO (YOU!) FUCKIN CARE」咁既樣，你就唔須要撥冗去REPLY我呢條蛋散啦！

你要從事實討論？敢問先生，你這種態度叫做討論？你又知道有多少事實？你所謂的事實是指現場「好多人都睇唔過眼CCTVB的作風」？還是記者取材有不當的地方？

話人仆街不代表你不仆街，無的放矢就更加可恥。

身處這個「捍衛粵語」的集會，記者要做的是採訪取材，廣州人要做的是表達訴求，記者同民眾各有任務，兩者本來可以進行互動，片中人如果真心想「捍衛粵語」的訊息能夠宣揚出去，為記者提供資料就是方法之一。不過，對於片中「特別嘈又沒有出鏡」的那幾個人，我實在不認為他們如斯態度是真心捍衛粵語，相反只覺得他們只是一班乘機鬧事的嘍囉。

甚麼「取走了卡，只會騙取新聞，極有可能不播，或斷章取義扭曲事實。」，這完全是陳先生你和群眾的防衛心理作祟，當然任何人都有權決定向記者提供資料與否，但須要這樣氣焰囂張？

陳生，你只是基於自己所認為的「極有可能會怎樣怎樣」這些猜想而發爛而已，你所謂的「認同」、「罵得有道理」完全基於自己的假設，繼而批判，所以我才說這樣的思維模式很文革。

我已經說過，任何新聞機構做了採訪不播出未必是記者的責任，TVB將廣州的集會在香港/海外順利播出，記者也順利完成任務，也將「捍衛粵語」的訊息宣揚出去，偏偏在廣州不能播出該段新聞也非TVB可以控制，大家都知道大陸經常插播節目或將敏感新聞隱屏，但陳生你卻輸打贏要地將這些廣州人未必深究過的都算到TVB頭上，你是不是借機抽水我們是看得到的。

要是對TVB有任何不滿，大可去信袁花，也可到電視城門前靜坐，將你自以為理直氣壯的怨氣都遷怒在一個前線記者，有用嗎？為何要難為前線記者讓他們「兩面不是人」？

在這世上還是有「有腰骨」的記者，林子豪被屈被打的事件，我們不會忘記，但在陳生你的眼中就只有「好多作故仔、炒作賣弄的不良記者，還有背後的傳媒老闆」、「老闆心術不良，低下的記者自然也不會好」，你對「好多不良記者 / 不良老闆」的看不過眼和憤怒我是理解的，但你要將整個香港新聞業界的「不好」都遷怒於個別「唔好彩被派到現場要接觸人群」的一兩個前線記者身上，難道陳生你的思維不是斷章取義扭曲事實？

再講，舉出甚麼「郭詠嘉係咪你條女？」、「用眼淚搏同情」、「毒男護新聞之花」，這只會讓陳先生你更丟人現眼，自己無論點就算了，扣人帽子是甚麼甚麼並不能讓你所認為那套欺凌文化變得合理。

先生你所兜售的不是好東西，你擺出來的態度更不是好態度，作為客人也好，讀者也好，當看清楚你擺出來賣的原來是件次貨，我們當然會「請你好好放低」，試問，立論岸鳩成咁你又怎可以強求別人去BUY你那套呢？你跪求貼錢我都唔要啦！

面對不同意見的「風度」又下流到此，說穿了，陳生你只差在還未開口同我講「唔buy就行開啦仆街」而已。陳生你會認同這種單細胞思維，我真心希望你只是真心膠低智商，要是你根本就有挑起仇視的居心，這可與個別媒體新聞主管有既定立場，可恥程度是不相伯仲的。

如果你以為在這裡出文只能夠聽到讚美你認同你的聲音，SORRY，你都搵錯地方貼文喇，玩唔起？就請返屋企──以後只在你個陳大文部落撰文好了！

如果想要發表回應，請先登入或註冊。

週三, 2010-07-28 22:52 — Jacky TT

事實就係當日晚間新聞(雖然唔係六點半新聞)放係二條

http://mytv.tvb.com/news/newsroundup/109932/130

TVB新聞冇因為私人恩怨而明顯刪減新聞順序/內容, 雖說是應份行為, 至少仲對得住專業, 事實上就算連CNN都可以對支持真主黨既記者編輯痛下毒手, 好難完全要一間商營機構達到BBC/NHK 呢類水準(就算NHK前幾年都有醜聞, 不過非關編採), 隨便妖魔化一間傳媒機構實非議事論事, 理性討論

想罵人地CCTVX/CCXTV, 請看今天CCTV同南京各大台如何被指令冷處理南京大爆炸事件, 至講啦, 至少香港既電子傳媒水準如何參差, 取態有時如何保守, 異見者都有機會發聲, 例如TVB有訪問八十後, 政府大白象, 豆腐渣, 內地拆遷, 戶口, 勞工問題....人地如此處理六四, 不等於人地以後都係咁, 更不表示一樣會是旦處理其他敏感議題, 唔應該亂扣帽子

如果想要發表回應，請先登入或註冊。

週四, 2010-07-29 01:55 — DAI ADORU

同意JACKY TT

TVB、明報、商台在《金鈴事件》，我插；
全港主流媒體冷處理《反宗教霸權遊行》，我屌；
商台在《十八仝人》事件我撐；
有線獨霸《2010世界盃》，我都撐。

我唔會係又攬唔係又攬，應該要插既我就會插，人讚我不一定讚，全城聲討我又未必要跟著插，從來我都係以陳生口中所講既「從事實方面去討論，不是強求認同」，相反呢位陳生憑咩當自己咁大支野呢？既無獨立思考之能力，事事玩針對但卻不能以事論事，仲要強調到自己好公平「我唔係要你認同」、「你睇我篇文我唔會當你上賓」，挑那星真係唔該佢。

「至於我是否認同群眾罵 CCTVB，老實講，唔駛要你批準，明無？」
陳生的確唔須要得我批准，但我同佢係兩類人，我唔似得D人咁不求甚解屌左先算，所以我先咁八掛要去了解佢既取態，宜家我總算了解清楚──呢條友仔真是膠到不得了，希望佢好再以為自己好有型了。

陳生，雖然像你這種係又屌唔係又屌的膠人確是愈來愈多，但你張開口跪在我面前我就要給你「含忍」嗎？Sorry，我都唔會的。

如果想要發表回應，請先登入或註冊。

週四, 2010-07-29 11:02 — netnetpass

好似唔喺地道廣州人

睇过片,覺得最大声嗰位人兄,聽佢講說話唔似係地道廣州人,可能喺港人,不过點都好,我梗喺撑粤語啦.

如果想要發表回應，請先登入或註冊。

週六, 2010-07-31 10:39 — Wright Fu

.

CCTVB的編輯應該反思一下為何前線記者會被市民當作出氣袋。到電視台靜坐也許能夠給前線記者挽回一點尊嚴，可是效用卻未必太大。一個有惻隱之心的編輯，看到記者們受盡折騰，還去依然故我，就未免太不道德了。

相同道理就如遊行期間對警察的咒罵。

如果想要發表回應，請先登入或註冊。

週六, 2010-07-31 17:30 — DAI ADORU

大家都應該要反思，包括拍片者、還有陳大文、你和我

CCTVB的編輯應該反思一下為何前線記者會被市民當作出氣袋。
與此同時市民亦要反思為對前線記者作出氣袋是否僅有「出氣」的作用，
如只能「出氣」但又別無效用，更要反思將憤怒都投射到記者身上是否不理智，
起碼我見這條「已被backup」的爛仔片那種人那種所為不見得有甚麼效用，
侮辱記者的反而正是起哄者，
再講，陰謀論地抹黑記者「一定是取走記憶卡不播新聞」，
這種無是生非的人和想法同樣都是很卑鄙的。

如果想要發表回應，請先登入或註冊。

週日, 2010-08-01 03:47 — 指正

反思?定係老屈?

"CCTVB的編輯應該反思一下為何前線記者會被市民當作出氣袋。"

真係好笑, 憑乜野要佢反思? 因為一些未過去既事? 因為一些已經過左去(雖然冇圓滿解決)既事? 之所以話cctvb係妖魔化, 就係因為而家既批評, 就好似話人有紋身, 所以係黑社會, 而忽略左其他可能性, "總之你就係衰人".

當然, 你可以話乜野一台獨大, 太北望神州云云, 不過我都可以話, 你可以睇生果動新聞, 上inmediahk架, 駛鬼針對人地?

如果想要發表回應，請先登入或註冊。