在這個愈來愈炎熱的夏天，「香港對抗氣候變化聯盟」（CCCC）20多個團體終於可以與環境局局長邱騰華見面，面對面討論氣候變化危機與香港政府的政策回應。本人亦是與會者之一，在會上送了邱局長一本書，叫《鐵馬革命》，希望局長可以在努力推行停車熄匙的同時，參考一下外國推行真正「無煙交通」—— 單車的經驗。
英星視為正式交通工具
單車夠環保、健康、省錢，這些大家都知道；但說到要在城巿中的馬路上踏單車，大家都會不約而同地說：「好危險喎！」的確，香港每年都有人因為踏單車而發生意外，去年就有10 名騎單車人士因而喪生；香港道路人多車多，單車要與車輛分享街道，吃虧的多是單車。但政府回應問題的方法，卻是進一步限制和檢控單車，而非改善騎行者面對的路面環境。
怎樣可以令到騎行更安全？研究發現，騎單車者人數愈多，行車愈安全——這是因為愈多騎行者在路上出現，會使其他駕駛者對路上的騎行者更有「數量意識（Awareness in numbers）」，對於可能出現的與單車有關的意外便更有警覺性。
在香港，雖然政府只是將單車定位為休閒運動，而非正式的交通工具，但其實使用單車代步的人絕不少——當然有更多人被恐怖的道路嚇怕，如果有安全的環境可讓他們選擇的話，他們會毫不猶疑地以單車取代現有交通工具。
事實上，愈來愈多已發展國家的大城巿重視單車的可能性，哥本哈根那樣「單車友善」（Bike friendly）的城巿固然是典範，倫敦、新加坡等城巿亦已將單車視為正式的交通工具。
新城市規劃 助單車進主流
在《鐵馬革命》中，作者亦介紹了紐約和芝加哥的單車發展，它們在城巿大量開通單車通道、增加針對單車的交通路標（而非只有「禁止單車使用」一款）和教育，甚至在一些新規劃區中讓單車可以堂而皇之地使用。
事實證明，繁忙大城巿並不必然排斥單車。以紐約為例，路上的單車人數由90年的每天5,500位，到今天約13萬左右，單車開始由邊緣進入主流，逐漸為大眾所接受。
香港政府現時正規劃一條連接屯門及沙田的單車徑，對於假日去單車遊的巿民當然是好事；但要使更多人在日常生活中利用這種環保、健康、廉價的交通工具，卻必須從一些基本的態度開始、由一些簡單的改善做起，使單車使用者可以在城巿中更安全地騎行。希望《鐵馬革命》這本書內提到的外國經驗，可以讓本港的官員對「單車友善」城巿有更廣闊的想像。
（刊於 2010年8月13日經濟日報）
回應
完全支持單車應被利用做交通工具，但不得不先釐清香港跟外國的
完全支持單車應被利用做交通工具，但不得不先釐清香港跟外國的分別：香港私家車少，私家車主未必輕易轉投單車，如果單車使用者均由公車轉過來，由於對公車乘客數目影響小，未必會令到公車減班，則路上機動車輛數目未必會減少，所以在香港推單車交通之阻力較大也。
誠然，雖然香港市中心主要街道車多，但小路則較靜，如上海街之於彌敦道，謝斐道之於軒尼詩道，還是有空間開闢單車道的。
有意思
對樓上所言「香港市中心主要街道車多，但小路則較靜，如上海街之於彌敦道，謝斐道之於軒尼詩道，還是有空間開闢單車道的」非常有興趣, 值得向政府建議.
城市設計時無考慮單車徑
現要在市區加設十分困難
而且香港人/中國人普遍不禮讓,
駕單車可能更加危險,
現間中也有單車送石油氣,送菜,
橫衝直撞,逆線衝燈,上行人路,
其實本港市區密度超高,
單車也未必需要,
加強行人系統便可.
經驗分享
我在倫敦以單車代步，有幾點經驗可以分享
環保是一個很動聽的原因，但到一個人實際作出選擇時往往並非首要考慮因素。外國不少城巿巿民以單車代替其他交通公具，其一原因是當地的交通費並不便宜。無論是搭公共交通還是渣車，一年的開支可以非常重皮。這樣令到以單車代步的誘因出現，當買單車+日常維修保養條數低過使用其他交通公具，很多人自然會選擇單車。香港公共交通比較下是非常便宜，單車對巿民的吸引力會較低。
另外氣候也是一個決定因素。香港一年裡濕度高的日子很多，這樣之下做戶外運動較為辛苦，更遑論有多少人願意踩完一身臭汗上班。夏天多雨的日子也不適宜。而且，香港空氣污染嚴重，即使同是大城巿的倫敦和紐約的空氣比香港要好得多。這些都可能令「上車」人士卻步。
要令單車風行，還要改善其他道路使用者對單車的態度。否則即使配套齊備香港亦不能成為對單車友善的城巿。香港人生活節奏緊張，事事講求快速，其他道路使用者容得下單車嗎?外國即使在大城巿，生活節奏相對慢，道路使用者對單車也較容忍謙讓。例如在單程路，司機會有耐性等跟在單車後，還是設法爬頭或者發狂響鞍?在轉彎位燈位，後面的司機有冇耐性讓單車先通過?這些全都影響單車使用者的安全，和單車對巿民的吸引力。文中說越多人踩就越安全，但沒有考慮很多人要覺得安全先願意踩。這是雞先蛋先問題，實際上就是要一起做，而教育並改變其他道路者並不
是容易的事。
wcheng
wcheng 兄講得好o岩，香港真係相對比較難推行，淨係天氣一項都已經夠死。
與其幻想o係市區推行，不過實際o的o係新市鎮做多o的o野啦，其實依家好多新市鎮例如沙田、將軍澳好多人都係以單車o係區內行走，一來空氣相對比市區好，而且比較空曠，有風冇咁熱，二來有足夠單車徑連接各村，我覺得已經唔錯。
同意 wcheng
多謝 wcheng 兄提出的理據和觀點, 對我們十分有用.
你的經驗比起單係引用一本外國書有用的多, 成日見人講外國點樣點樣, 有時真係懷疑究竟作者是否有親身經歷, 還是人云亦云睇過本書的第一頁就當正自己係專家.
公共單車可行嗎?
今日信報一篇專欄文章, 提議香港開設公共單車, 分享如下。
有一點要補充, 最接近香港o既公共單車系統o係廣州, 唔係台灣。廣州新區雖然道路寬闊, 但天氣環境同香港接近, 藉得借鏡。
2010年8月17日 中天
國際單車普及 香港發勁未遲
上個禮拜起咗個頭，講點解政府唔應該歧視單車及提議喺施政報告時「起錨」，為呢個咁綠色環保、有益身心嘅交通模式着綠燈。本文繼續「單車專題」，探討究竟世界各地已有的單車計劃，能為本港呢方面嘅政策思路作參考。
講出嚟可能嚇大家一跳：根據維基百科資料，現在已經有（或曾經推出）單車分享計劃嘅城市已有四十三之眾，而且絕對唔係只限於各位心目中已熟悉嘅阿姆斯特丹同哥本哈根等北歐國家！
名單內既有汽車癡戀大國（如美國嘅丹佛市同華盛頓），亦有歐「豬」四國成員（西班牙嘅塞維爾市及意大利米蘭市），更連南美「落後地區」（如智利嘅Providencia與巴西嘅里約熱內盧）都有份；更令人驚嘆嘅係連大陸嘅杭州同海峽對岸嘅台北都已超越香港而躋身國際前茅，推行綠色交通，咁又點唔叫人嘆息港府再喺多一個領域落後於人呢？
點解香港係最適合公共單車計劃？
同先進城市相比，香港嘅單車使用率（以出行次數中單車作為交通工具比例計）微乎其微。
但係香港其實係最適合全城密集地推行公共單車計劃，點解？因為地少人多，每程距離因此必會比其他低密度城市短，因而使用頻率／密度亦可以比任何城市為高；亦即係話，喺香港實行公共單車計劃可為市民節省嘅等候時間、電油消耗、上落地鐵隧道所費光陰嘅距離、兜單程路嘅無謂冤枉路等等，隨時更勝已成功運作呢類計劃嘅大城市！此外，香港樓宇密集，缺乏私人泊單車地方，所以分享共用單車能夠比每人自有私己單車更有效利用公共泊位空間。只要提供足夠車輛數目（如巴黎嘅Velib計劃有為數二萬，約全市每一百一十人一輛）又喺足夠密度嘅地點開設存取點（巴黎有一千六百三十九個，每兩點間距離約三百米）自然就夠方便令人喺交通選擇上不作他想！
以巴黎經驗嚟睇，可能喺香港島要一萬架單車，九龍半島則需要二萬架，以及總共不少於二千四百個存取點。
點解應該政府出錢而唔私人買車？
政府每年花喺建築或維修公路上嘅花費隨時數以十億計，但係相比之下，單車嘅成本根本微不足道；有研究顯示每輛單車每年嘅總成本係一萬五千至二萬二千元之間（呢個係歐美高人工地區嘅常規，香港隨時係呢個數字嘅幾分之一），咁香港如果有三萬架單車，每年都只係駛四億五千萬元咁大把，兼且如果每車每日用五次，咁每次使用成本更只係八元二角！可見作為一項資助嘅公共交通服務，政府實責無旁貸！
實際上，巴黎同巴塞隆拿嘅經驗非常令人鼓舞：①每日每車用量高達十至十二次；②有車嘅區內約一成半至三成嘅出行以公共單車代步；③汽車用量減少約百分之八至百分之十。
基於以上種種數據，筆者覺得政府好難攞出理由嚟繼續推搪、拖延實施一個較為似樣嘅市區單車計劃。萬里之行，始於足下，望施政報告做個好嘅開始啦！■
中天
海傍單車徑有冇得諗？
上個月去咗上海睇世博，同友人响市內踩單車四圍遊，感覺真係好爽皮！上海啲馬路闊，踩單車好自在；又係平地一塊，單車唔使有波段，都踩得好舒服．
反觀香港，市區山多路窄，始終都係唔方便踩單車．
有冇可能响全港九所有海傍公園加單車徑？
當然要呢個建議有意義，係需要一啲假設，例如：响未來，香港大部分嘅海傍都設海傍步行區，而所有步行區都連接起嚟．行人可以從柴灣行路到銅鑼灣；由黃金海岸行到去西九...
如果將海傍單車徑成為城市單車徑嘅主幹，再加埋海傍附近區域局部設單車線，再連接現有新市鎮單車徑．咁樣整個單車徑網絡就會比較完整．
以上只係忽發奇想，諗法粗疏，樂見更多討論．
我支持海傍單車徑，不過市區根可能要填海。 以香港島為例，筲
我支持海傍單車徑，不過市區根可能要填海。
以香港島為例，筲箕灣至鍘魚涌一段都ok，因為有部份已經有海濱公園(e.g. 鍘魚涌公園)，只要連接埋就可以。但係由北角到會展一段，基本上唔係樓就係海，只有北角碼頭一段係空地。如果要連接，就少不免要填海，或者收地。
多謝樓上回應
推動單車，只靠政府top down推行係無用，沒有需求的話最終又係一堆大白象工程。如果係認真，不妨由做調查統計開始，睇下香港有幾多人願意踩單車作日常代步工具。
Singapore
Check this out. Singapore is encouraging people to carry their foldable bikes on public transportation.
www.smrt.com.sg/upload/Foldable_Bicycle_Regulations.pdf