立即捐款

王棘蘭

面書專頁:http://www.facebook.com/landscapewong 網誌

生活

「一年一次啫」

「一年一次啫」
廣告

廣告

一星期前,我跟大家一眾別人的男友們一樣,正在煩惱如何應對情人節,但我跟女友已經是去到談婚論嫁的階段,凡夫俗子的「tum」女仔手段做來似乎是看不起我倆的關係,但我仍去問女友best friend的意見。

「我好唔好買玫瑰畀佢呢?」我再將今年的玫瑰花因為內地玫瑰種植地區昆明受風雪影響,再加上情人節適逢元宵等因素,所以玫瑰售價翻了一整倍的事實告訴她。但她以一個青春無知的眼神來回應我,然後她回答:「一年一次啫。」

真是一言驚醒夢中人,又係喎,一年一次啫。正當我被她的「一年一次啫」完全說服時,我心想:咦?「一年一次啫」呢句說話彷彿似曾相識。女友生日、伯母生日、聖誕節、周年紀念、情人節,每當要動用巨額資金討人歡喜而我又有點卻步時,總會有塘邊鶴說:「一年一次啫」;甚至中秋冬至一家人做節、新年請家人食團年飯,都會說服自己「一年一次啫」。我想真點,這些「不適宜過於密集」的「一年一次」事情,好像每日都發生,如果係咁,「一年一次啫」其實會唔會係一個消費陷阱,唔怪得我咁耐都買唔到樓啦。

我將以上的道理告訴best friend小姐,她以恍然大悟的眼神回應我。然後她答道:「但係今年情人節撞正中國元宵,是緣份的象徵,更令浪漫濃情倍增,最重要係可能係『一世一次』」。對,「一世一次啫」,所以,我屈服了。

轉載自新報

http://www.hkdnews.com/NewsDetail/Index/74351

廣告