保育

地球一小時 熄燈不合時

廣告
地球一小時 熄燈不合時

廣告

昨天是「地球一小時」全港熄燈日,唔知你有冇熄燈?如果你有熄燈,咁有冇開電視機、手機、平板電腦呢?由WWF舉辦的「地球一小時」活動,實在令我感到有點困惑,並且想到原來環保跟我們的生活好像不同步。

首先那張把陳奕迅 key 落港鐵車廂裏的相,就叫人到附近地方要乘交通工具,歌神坐擁 Aston Martin 名車,key 張相就話佢會乘交通工具,我諗佢連關愛座係咩樣都唔知,認真黑色幽默。我呢星斗市民,冇話車都無架,港鐵係咁加價,我要去附近地方都選擇行路啦。

這又令我想起環保某程度上是富人專利,環保意識雖對任何人都重要,但是能減少最多污染的人,就是排放最多的那個。又試想地球上,哪裏最環保、最沒污染?就是連「浪費」都沒機會的非洲地區。原來環保是跟工業化、社會進步互相牴觸的,那當然吧,就是因為科技進步因而產生必要的污染跟垃圾,才有人提出環保這概念。有人說:消耗大量資源的富人為了可以繼續奢侈,才選擇了相對環保的奢侈方式。對,我會想:神又係你,鬼又係你,整臭個地球之後就叫大家一齊環保,咁究竟環保係為咗邊一個?

其實,環保這種概念本是好意,但好像熄燈這種上世紀的玩意還合時宜嗎?「地球一小時」由2007年開始,那年 iPhone 才面世,當時人們手上的還叫電話,流動上網計劃還未流行,更沒有雲端等出現。但據研究顯示,一台雪櫃每年平均耗電量為322千瓦小時,而一部手機也高達361千瓦小時;另外,現在全球通訊系統每年平均耗電量為1,500兆瓦小時,但30年前只有1兆瓦小時,可見環保概念正被科技發展的速度遠遠拋離。

轉載自《新報》

廣告