好多人都知道要維持香港自主，各項生活必須不可缺少。食水、糧食至為緊要。當年英國人知道回歸不可免，所以放軟手腳。水、糧已無自主可言。到今日，供電亦要由港資手上奪回，由大陸控制。不過仲有一樣香港企得硬的後台，就係我地多年來的盈餘，達千億之數。
香港人，尤其師奶，都深明有錢有樓揸手的道理。有乜風吹草動，至少生活都有保障。香港政府，之所以仲有自主，唔使向中共全面跪低，當然都得益於我地穩健的財政。至少香港點唔掂，都有錢拎出來貼，頂得下。香港人都知道，大陸成日話自己點幫香港，只不過係宣傳，最多幫得百幾億，對比我地個金庫，真係濕濕碎啦。所以要全面控制香港，要我地跪低，就要先掏空國庫！
我最近好少認同孔教授，但呢點真係要認，大陸就係掏要空香港金庫，比錢自己賺。你以為幾千億儲備有排用？的確，拎二千億出來，就已經可以解決房屋、醫療、社會福利、教育所有民生問題。但佢就係唔益你，仲要一個又一個大型基建，每個都用成千億，再超支你一倍，到時你香港政府多多都唔夠比。香港資本家就係尻屎，知道自己就來冇運行，竟然唔係絕地反擊，而係趁仲有半個立法會，同大陸合作，一齊攪基建掏空香港。
可惜香港人就係戇尻尻，咁都睇唔出，仲要同你講話發展好重要。頂，香港個金庫就咁比人發晒啦。