立即捐款

保育

佔領行動回收所見所聞

佔領行動回收所見所聞
廣告

廣告

滿以為自己EQ還算高,但經過尋晚有千幾袋垃圾要急急忙忙送上垃圾車,而我即使摩打手咁分回收物都唔夠佢架壓縮車快手,我係心理同生理上都已經徹底崩潰。

1966933_10152685195655412_1973865753816251027_n

數日的分類及拾荒觀察,實在有太多鬱結係心,即使連日潑婦罵街都解不開心底鬱悶,唯有嘗試用文字,俾大家知道我點解咁擔心同激氣。
先向大家數數十大經常出現係垃圾堆的資源 (我討厭叫它們垃圾,因為佢地根本就唔應該存在係垃圾桶內):

IMAG0080

1. 大量只飲了兩啖或未開封的樽裝水

- 我講緊既係一支770ml水,只係飲左70ml,有d甚至好明顯只係飲左一兩啖,剩低個七百幾ml完封不動,而單單係我執到既,已經有過百支未開封大大細細既水掉左落垃圾堆

IMAG0068

2. 未食過的麵包、零食

- 方包係垃圾堆出現頻率最高,不論係冇開過,食左一塊定係食剩一塊都好,但係由於麵包唔放得耐,加上天氣熱,所以麵包通常過左一晚就俾人掉左,而零食最多就係朱古力同餅類,但我真係諗極都唔明,佢明明獨立包裝,唔似麵包咁開左就成包有機會唔新鮮,咁點解食淨幾包都唔留低而要掉走佢呢?

IMAG0071

IMAG0075

3. 未開封的牛奶

- 係胡椒噴霧及催淚彈事件發生後,據坊間傳聞指牛奶可以洗眼,所以有市民購買左大批牛奶到場,但網上已有文章解釋此方法係唔work 的 (http://goo.gl/Efjx2y)。同時,亦不排除香港市民實在太體貼,可能認為示威者一早起身要飲牛奶,但係其實水已經好足夠,加上有其他食物,無需要牛奶都可以為佢地補充體力,而在場又冇雪櫃儲存,變壞左又只能夠掉,所以,各捐贈者唔需要再買牛奶到場了

4. 毛巾、眼罩、口罩、保鮮紙、即棄雨褸、垃圾袋

- 放胡椒噴霧,市民緊張,所以買左好多眼罩口罩毛巾等裝備;放催淚彈後,市民更緊張,這些物資更以數十倍增長。但在垃圾堆中,實際上發現起碼有過數百條毛巾,其實使用者可唔可以選擇將物資循環再用?將眼罩及毛巾洗一洗,佢就會再變成一條「好漢」,亦令到市民唔需要不停購買會場已有但只係掉左落垃圾桶的物資到場。

IMAG0237

5. 大量外賣飯盒、快餐店即棄包裝及餐具 (附帶總食剩的薯條飯麵等等)

- 講緊大量,係每袋垃圾亦會見到。其實現時警察未有再圍封佔領地區,在場人士不妨考慮「輪班制」,到附近的餐廳食完再黎接力,唔需要一定係現場開餐呢,而捐贈者亦都儘量唔好買飯盒到場,因為要即時分派其實係有難度,而且有時飯量太多,未必個個會食得哂時又做成浪費,如果真係要買,都係買返可以放得較耐既食物啦

IMAG0081

IMAG0328

6. 膠袋

- 其實買物資都可以自備購物袋,直接羅到去物資站再羅返個袋,咁又可以減少製造一樣廢物 (買外賣同樣道理)

2014-09-24-22-39-16_photo

7. 塞了煙頭、紙巾或其他物品的膠樽

- 每次一見到d樽塞滿哂野,我真係忍唔破口大罵,你知唔知你塞左張紙巾入去,我地要用幾多人力物力抽返佢出黎回收?! 唔該唔好再貪順手塞d無謂野落回收物度!!!!

IMAG0052

IMAG0053

8. 紙皮箱

- 其實紙皮箱好有用,可以用黎裝物資、寫signage,唔好再將佢塞係垃圾堆度好冇?
IMAG0189

9. 大量可回收的回收物

- 飲完既樽、罐、退熱貼紙盒、食物包裝…所有所有都可以分類,但你一掉左落垃圾桶,佢同其他野撈埋一齊污糟左濕lup lup,就要報銷了

10. 遮

- 叫得umbrella revolution, 遮既出現當然唔少得,唔難見到在場有好多爛左斷左骨既遮,但間中仍會搵到完全無爛既遮,用得既,就keep起佢,用黎遮下太陽都好啦

其實仲有好多奇型怪狀你估都估唔到既野會出現係垃圾袋裡面,包括charger、警察封鎖線、扣黃線帶一盒盒的扣針、針筒、可重用水樽,甚至連手推車都有…

IMAG0070

IMAG0072

IMAG0073

IMAG0076

IMAG0078

請勿再當義工「老馮」

其實連日黎,值得感動既係在場有好多市民自發設立回收分類攤檔,而在場亦都有唔少市民會主動將資源分類。但係,亦都有為數唔少既市民,因為貪一時方便,隨手見到垃圾袋唔理三七二十一就掉落去,之後再要數百個義工係個堆未食完既野,紙巾、廚餘汁中間搵返d回收物出黎,知唔知係一件幾咁辛苦同厭惡既事?我地每一個在場既朋友,其實都係自發幫大家執手尾,唔該大家唔好當老馮,所有野掉埋一齊乜都唔理就算。

IMAG0054

請勿「濫攞」物資

另外,市民應該自律,如果大家唔係個度長期留守,就應該自備足夠物資過去,物資應該係留俾係個度長期留守既朋友,千萬唔好再係大會現場「濫攞」物資,亦唔好當捐贈者可以長期服務大家。

請珍惜物資

而長期留守既朋友,拜託大家珍惜物資,知道大家辛苦,市民亦都好支持各位 所以更加唔好浪費市民既一番心意。

現場人士反應不一

其實係現場 有人會同我地講:「多人既地方就會多垃圾架啦!」

人多垃圾多看似「應該」,但多的程度是否需要以數十倍的速度增長?你可以再細看垃圾桶,大部份呢幾日製造的所謂「垃圾」,實際是可回收的水樽,飯盒、紙張、以及未用的物資,當然亦會有紙巾、紙包飲品、口罩等未能回收的數量亦會增加,但若果將所有可回收物抽出,現場的垃圾情況係咪同樣會咁震憾?

IMAG0229

都有人會以極不友善既態度話我地:「呢個危急關頭仲掛住分類回收?冇野嘛?」

請明白我地係減廢回收既執著,始終香港的廢物問題跟普選一樣迫切,我地已經唔能夠再等,係呢個危急關頭,亦都唔可以只係倚賴其他人,而應該由自身做起。

而且,在此極度不公不義的社會,我地絕對同意市民站出來發聲,但集會係咪等同必然的製造垃圾,恕我不能苟同,再一次睇睇台灣太陽花學運的例子,對方在抗爭時,亦長期有回收隊幫忙分類 (http://www.ettoday.net/news/20140405/342917.htm?from=fb_et_news),所以,民主跟環保從來不在兩個對立面,而兩者亦絕對可以結合 。

始終呢個係講求公民意識既場地,懂得減廢都分類回收都係盡公民責任既一部份,連外國媒體都讚嘆香港人係抗爭關頭都不忘分類回收,足見公民素質顯示在細節,亦令其他國家既人覺得香港係值得民主既地方。

終於將d心底話打哂出黎,未必句句岩聽,但絕對係真心擔心,需知道佔領行動亦唔知仲會維持幾耐,如果大家係前頭做得好,我地就唔需要花大量人力物力係後面做分揀工作,更加可以保留體力長期抗爭。

IMAG0100

寫呢篇野,唔係想責怪大家,只係覺得,連外國媒體都讚到我地天上有地下冇既時候,我地更加要做得更加好,令到更加多人支持我地。所以,大家請原諒我即使係公民抗命期間,仍然對廢物及環境既執著。

補充:

其實記錄這些「浪費」,只是善意地提醒市民環保其實可以與任何大大小小的運動及活動結合,不論下一次的六四集會、七一遊行,小至運動會、生日會等等都應該將環保元素加入在內,在日後大家亦要維持如此高的公民質素,而非只是水過鴨背式地維持短短十數天便算。

另外,亦要一提,那些愛字頭的朋友請不要借此記錄「抽水」,需要知道閣下支持的「反佔中大聯盟」,在8月17日舉行的「反佔中大遊行」活動中,造成的浪費對比他們可說是「小巫見大巫」﹐詳見:http://goo.gl/74H2pF

而且,我們對佔中者說環保,講道理,大部份市民亦願意停下來聽我們說教 ,亦會即時身體力行參與分類活動; 相反,當我將反佔中的浪費暴行揭露後,換來的不是反省,而是惡意咒罵,詳見:http://goo.gl/IWEwWq

要藉此抹黑佔中人士,請你們先以自身作榜樣做好減廢分類回收,而並非click了”share” 便可自命清高。

文: 結束一桶專棄@Celia Fung (寫於10月2日)

廣告