立即捐款

生活

警界線變膠界線

警界線變膠界線
廣告

廣告

全城期待以久的HKTV在上月中終於面世,而對於一眾等待的朋友,警界線應該是他們真的等到頸都長的電視劇:無他,拍落一排,第一集鬼咁好睇,然後諗住上年有得睇,點知俾一男子玩野,越是期待越是美麗,你懂的。

然而,看畢十七集,我身體最直接的反應是:最後幾集真的看到睡著,而且比無線膠劇更膠的發展,直頭懷疑是否中途轉了編劇或者幕後製作團隊。

警匪劇集很多電視台都拍過,估誰是真兇也不是什麼新鮮事,主要在於劇情如何舖排,有否認真處理。我們從來不會否認一點的,是HKTV在製作上肯定比其他本地電視台落本及認真:全實景拍攝,多分鏡,特技爆破不馬虎,當然有部份橋段用電腦特技交待是明白的,這方面的優勝之處我們絕對不會懷疑,所以,我們才更加著緊,劇集的劇本與演員的表現。

開首幾集發展之快,是那種你真的要坐定定睇才會知道發生:幹探兒子無辜受傷,你估不到第一集已經被揭穿誰是兇手,然後極速再告訴你誰是臥底,這種推進速度應該是電影才有的。再來,便是幹探被槍傷,再昏迷半年成了兇手,留下很多伏線讓大家去追看去猜。

由於劇情推進快,觀能刺激亦足夠,而且編導巧妙地將演技功課交給老戲骨,整件事情分數極高。香港觀眾要的是新鮮感,老戲骨不是沒有知名度,總好過在大台看來看去都是那幾個(而且還有些演技嚇死人)的沉悶。所以,大家極力讚好。

到後來葉美娟的冤案也是好看的:廖安麗的戲極好,陳安瑩亦是,所以就算那一集出現尋親記,大家都收貨--雖然,我都不明白,為何一個女人無辜被屈坐廿幾年監,會接受飛Sir如此解釋與道歉。

有關Pandora的重頭戲就開始有問題:張軍被局中局陷害殺人還可以,但差館明明有一大team人負責cyber security,可以是是但但由一個識左唔夠幾日自稱電腦專家幫你檢查電腦,仲要每個警察都可以不在場,絕對離奇馬虎,至好笑係放假既杜一飛部腦都可以無password隨便登入,然後唔知點解查佢呢單又可以是但成咁。

開始越來越TVB的劇情還有葉美娟被人綁滿炸彈,警方疏散其他人疊好沙包丁小海死陪阿媽都還算,Madam Fong果頭係咁叫佢走呢頭打俾大Sir講數再俾丁小海搶電話,我諗當時拆彈果個應該大叫佢地死開,咪阻住佢做野。

然後Lucky自首津津認唔到人放番,所以連沙律都突然不是通緝犯,但我無記錯的話,未發生津津被綁,飛Sir早已指兩人是通緝犯應該拘捕,定係我記錯呢可?Madam Fong疑似人格分裂本來都有所期望(就當我接受果位演得麻麻把聲又惡頂扮演心理醫生Rachel),至膠劇情發展,明知自己懷疑有病,唔係去求醫,係去放假,仲要又話果期重案好忙,同幹探一齊上遊輪玩(我知,有網友話,Madam Fong身材好正丫嘛),驚喜攪結婚?

當你可以跟老麥玩點Jack廣告Crossover玩得咁過癮,點解你想植入遊輪廣告做得咁夾硬呢?

最後兩集,我從來無諗過會出現小海回憶泰臣片段再播歌,嘩,依家TVB都唔係好敢咁做啦下話。大結局玩孖生姊妹想害你一家好耐,可以,不過有冇理由一路攪咁多野殺咁多人,淨係為左叫阿幹探話俾個仔知,阿媽殺左人,你跟阿姨走?無野下話。

當然不得不計大結局超級反高潮,張軍可以唔知點解話咁易約到Pandora出黎,成班差佬俾佢寸無證據你拉乜呀之後就因為做低張軍俾人拉,嘩,我由梳化跌左落地。

演員方面,老戲骨真係無得輸,林嘉華廖啟智廖安麗姜浩文好厲害,新一輩呢?周俊偉越做越露底,演技有需要再培訓,表情來來去去一兩個;呂熙勉強,特別當後來擔重戲;女角反而可以,唐寧發揮有限,梁寶琪亦然,蔣祖曼乃最大驚喜!

據聞第二季劇本寫緊,其實現時剩低可以再寫仲有大把,不過麻煩真係注重一下劇情合理性及減低含膠量,並好好處理極入廣告。我知,錢,係要賺既。

祝HKTV盡快取代ATV。

原文刊在此
三十過後一個人住 Facebook 專頁

廣告