想寫已久的系列，但怕比不上蔡子強老師。蔡子強老師的文章，內容被稱為「阿媽係女人」，意思是指內容所述是係人都知既道理。不過，我發覺好多香港人唔係好記得阿媽真係一個女人，或者突然會醒起，原來阿爸同我一樣姓。有見及此，我決定周圍話俾人聽：「你係你阿爸個仔、你係你阿媽個女！」，實踐比慈母更偉大既抱負。由於我的文章內容簡單，意義淺白，對於頭腦清晰者，請閱讀至此，我的文章估計只對大部分香港人有效。
作為第一篇Blog，講的要追近時事少少（申請這個account用左好幾天……），就講數學天才曾司長那份沒有遠見的財政預算。不過我唔係講佢數學差到令我開始質疑數學真理：「其實1+1係咪等如 -500億呢？」，亦唔係講佢既近視深到只見到自己粒鼻屎，又或者講入面任何一條內容。我想講香港人、傳媒經常在這時候會用的一個詞彙——「派糖」。
有人說今次「財爺派糖340億」，連SCMP 都報道都多次用到 sweeteners 呢個字#。為此一向嚴格嘅我頭先落街買餸嘅時候（開始口語化……），撞到隔離屋個師奶，問左佢：「其實外國會唔會用sweeteners 去描述財政預算案」，個師奶話：「無聽過喎！」
入正題先，其實「派糖」這個字，同有些人說「阿爺開水喉」，有異曲同功之「妙」。內裡隱含著那種真切感恩的那份奴性，淋漓盡致！你去買基金，一個基金經理幫你賺了一點錢，大約一、兩季差餉上下的價錢，你會否當他皇帝般「謝主隆恩」？其實「派糖」無錯，也不能說是語癌，但會引致更嚴重的奴癌！如果你認為一個賺幾百億既政府，推出惠民操施，是bonus、是恩賜、是「佢無必要咁做」，那你應該患癌了。
隔離阿黃伯話：「如果每個人都要自己拉電線，咁不如我地夾份俾錢請個人幫我地拉晒咁多家既電線！平、專業、有效率！」
政府，包括財政司是受市民的委託，受薪去幫市民管理這個城市的金錢。其中他們需要有效推行政策、建設基建、照顧社會上一些需要特別照顧的人等等，都要用上金錢。而正因為有這樣的設施、政策會對市民更有好處，所以市民會同意交出部分金錢（稅款），去委託政府做對市民有利的事。即是政府是受薪（固定薪金）的基金經理一般，幫市民去做對市民有利的事，這才是政府的角色。在市民身上收回來的錢有大量用不著，剩下來的用來做對大眾有好處的即時性的惠民操施，其實只是他們十分基本的份內事，絕對不是皇恩浩蕩！各位市民，這個財政年度的經濟成果，是你應該得到分享的，甚至應該分享更多，更不應該放在一個不受市民、立法會監管的「未來基金」！
至於這份有深近視既所謂「派糖」的財政預算案，我阿媽細個已經同我講過：
我：「嘩，啲糖好好味呀！」
媽：「你而家就梗係好味啦，第時你就知！」
亂派糖，驟眼看來是福，長遠來說卻可是禍，連我阿媽都識。
# e.g. "BUDGET LIVE 2015: Child allowance up, salaries tax down as John Tsang announces sweeteners"
圖片來源：SCMP
SCMP
