立即捐款

生活

邊個話Uber司機一定冇衰人先?

邊個話Uber司機一定冇衰人先?
廣告

廣告

尋晚半夜三更由跑馬地去太古坊,call Uber,來應的是一輛Telsa ,嘩Tesla見過未坐過,好興奮啦。通常一上車,司機都會問「去邊呀?」、「你好呀!」求其打聲招呼,呢位司機粒聲唔出,可能架車cool,個人都要cool啦,好,我講咗目的地後,佢重覆一次加個問題,我答「係」,之後就開車。

藍塘道口上車,照計佢左轉入雲地利道,上連道出返銅鑼灣係最快,又或者U Turn 出返黃泥涌道,但佢選擇上成條藍塘道再落成和道出,OK冇所謂,可能佢唔識兜小路,又唔想U Turn。

上到東廊,Telsa真係又靜又快又穩陣,快到過咗鰂魚涌出口都冇出到,通常去到呢個地步我就會出聲,但我唔想同佢講嘢,我睇吓佢想車我去邊,專心欣賞吓Tesla。去到太古城依然冇出,架車直踩到去西灣河然之後再兜返出英皇道。呢個時候個司機問我,「太古坊邊度?」我答佢「油站」,差不多到的時候佢講:你喺油站落呀。之後,佢冇轉入糖廠街,U Turn停喺油站側邊,粒聲唔出。

Uber 的好處是有完善的監察和投訴系統,車程有圖為證,之後除了可以對司機評分,還可以反映其他問題;我將昨晚的遭遇反映,他們很快便回覆,證實司機並不是行走一條最佳路線,所以將收多了的車費退回給我。

另一日灣仔上車,的士司機聽到去東區,佢同我講聽到去東區好開心,因為成朝都係中環、灣仔,有得上吓條東廊真係好,落車收少我兩毫。

Uber司機不一定個個好,的士司機也不一定個個差。

南方舞廳 Facebook Page

廣告