立即捐款
ads

衛斯里蘭卡

改呢個名純粹係覺得搞笑。 夢想成為作家,將我的世界記在紙上。 記住我,姓衛斯里,名蘭卡。 網誌

生活

【非●非黑即白】鼓勵Shell贊助行為,而唔多謝Shell公司

【非●非黑即白】鼓勵Shell贊助行為,而唔多謝Shell公司
廣告

廣告

圖片來源:100毛

隨筆:【非●非黑即白】看多唔多謝Shell一事

今晚,毛記電話為香港帶來一夜歡樂,當中係笑中有淚,用惡搞方式諷刺香港時政,又能夠喚起到我地共嗚,總之係佩服同多謝。而大家多謝嘅仲有Shell公司,多謝佢有勇氣雪中送炭,支持毛毛搞分獎典禮。不過都有啲左翼人士提到唔可以多謝Shell,因為佢地係北極採油,破壞自然生態,危害北極態。

首先,當然要多謝呢班朋友提醒我地,Shell原來是在北極採油,帶出Shell等石油公司嘅惡行,有助喚醒環保意識。但唔好忘記,今次多謝係佢地係呢個咁惡劣嘅時勢,敢於出來用行動支持小眾同香港本地產業。而唔係同意佢地破壞呢個行為,同埋唔代表我地唔記得同包容石油公司嘅惡行。我到呢一刻,仲好記得Shell被控聯合一個非洲政府,合謀殺死一個環保人士,永遠都唔會忘記!

所以,只可以話係鼓勵Shell呢個舉動,而唔係呢間公司。

現今有邊間公司沒有原罪?要數連nowtv都要受罪,nowtv董事長係李澤楷,佢爸爸係李嘉誠,建立地產霸權,令到香港百物騰貴。又或者nowtv與客戶簽約時,都有合約模糊問題,曾發生誤導消費者的新聞。就算係環保團體、慈善團體都會有醜聞,同時亦都會有保護環境的成果。以上我地都唔會忘記。

而回歸呢個爭議,其實呢個年代已經好多事物要用到石油同其副產品,平常生活已經好難真正切割同避免不使用石油,而我地又唔知道石油嘅來源地,可以話我地都有極大可能是破壞北極的幫兇。好難講係黑定白,因為太多灰色地帶。現時,我抱著的心態係:鼓勵Shell贊助對社會有益嘅事,同時亦努力反對佢種種破壞環境行為。這種心態看似騎埸,實際上只係一件事還一件事分開處理,所以我認為左翼朋友分享消息係無錯,Shell贊助毛記都算好事。

最後啦,都係上面個句,唔多謝Shell,但鼓勵Shell嘅贊助舉動。當然若可以更加要花時間查下Shell做過嘅惡行啦。查完之後,你又會唔會同我一樣多謝Shell贊助,但唔多謝Shell呢?

廣告