立即捐款
ads

文探花

廢青一名,早上做教育,夜晚做音樂,醉心填詞,最欣賞林夕老師的細膩感情,最喜愛方文山老師的詩情畫意。 不想在沉默中滅亡,深信堅持才有希望。 網誌

生活

消防員是火海的熾天使

廣告

廣告

救火,我識條鐵,由起火到而家有兩個消防員殉戰,短短一星期,消息滿天飛,又錄音、又消息人士、又據說,一大堆孰真孰假嘅消防專家講呢樣講果樣乜乜乜咁,又一大堆垃圾官員講埋啲厚顏無恥嘅說話。而我最有感覺嘅係,有人話消防員都係「收錢打工,救火係應份,預咗有風險」,我想講,消防員又點止係打份工咁簡單。

「消」和「防」,照字面解,就係消滅火警同防止火警,救完火,做完調查,同公眾報告真相,然後改善問題,可能要立新例,可能要改舊例,加強監管同巡查,如果真係要當工作咁做,完架喇。但係唔好唔記得,滅火嘅時候,火場入面係隨時有人架,救人同救火係兩回事,仲要兼顧兩者,殊不簡單。講真,我就無見過有人打份工,係會隨時準備犧牲囉,所以我係唔理解點解有人會話「收錢打工,救火係應份,預咗有風險」,唔啱咁啦,我比幾萬蚊你,你入去迷你倉救一次火比我睇下,睇下你去唔去?

消防員係紀律部隊之一,但係投考率往往唔夠警察多。係呢個警察越黎越墮落嘅時代,我都唔肯定而家去考警察嘅人係咩心態? 安穩啲囉,今時今日仲會有幾多個季炳雄,仲會有幾多個葉繼歡? 但係,我想講係火場入面,每一秒都充滿變數,隨時會爆炸,隨時有閃燃,殺傷力比十個季炳雄同葉繼歡都強,倒下嘅隨時都係消防員。好多人都咁覺得 : 「番一日放兩日啵,又唔洗日日去行咇,日灑雨淋,不知幾好做啦」,朋友J係現役消防員,佢對呢種無知睇法,往往都係一笑置之。

做消防員,絕對唔係做一份工咁簡單,係一種使命,如果要我形容,消防員係火海嘅熾天使,同高溫搏鬥,從邪火中拯救出一條又一條嘅生命,而且隨時係一命換一命。所以,消防員永遠都係我最尊敬嘅行業!

文探花 Be The Third

廣告