立即捐款

毛言地

你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 網誌

政經

香港人最唔怕死?

香港人最唔怕死?
廣告

廣告

香港人怕事人所共知,比人踩住個頭都唔會出聲;但一講個玩字,香港人真係會連命都唔要。

飛機因為八號風球取消一定有香港人抱怨DELAY,趕唔切去睇乜乜乜參加物物物。冇錯,喺佢地眼中搭飛機會危險又點?最緊要係我可以準時。就算十號風球雷電交加再撞多個亂流都好機長會搞得掂,所以對香港人嚟講八號就取消班機係不可理喻,因為香港人時間好保貴,分分鐘仲緊要過自己條命。

或者唔係個個都會打風先嚟飛,但肯定好多人會將打風日當假期咁PLAN節目。戲院K房溜冰場打風生意特別好,因為個個都覺得室內節目夠安全,難得唔洗返工唔去玩就浪費。但佢地有冇諗過去緊目的地果程一樣要出街?打風仲要去滑浪固然抵死,但打風仲要出街玩嘅其實都冇咩資格出聲。仲有一件事,香港人會覺得打風仲要返工好慘好過份,但當自己放緊打風假而有地方因為打風而唔開又會好不滿。咁到底佢地覺得一個地方唔洗人手都做到生意定班員工就係住喺果度呢?好多打風仲要返工嘅人都係為咗成個香港喺颱風下仲可以維持基本運作,如果你因為冇得玩就要嘈,你咪幫人地成個場同員工買份八號甚至十號都保嘅保險先囉,唔係嘅話你有咩理由要求人地搵條命服務你?

打風有假咪去瞓囉,平時又話唔夠瞓,而家有一日比你又心思思出街玩。可能你真係唔怕死,可能你覺得玩住咁死先無悔一生,冇問題㗎我覺得,話哂條命係你自己,你最有話事權。但前提唔該你諗清楚有幾多人會因為你嘅無知而付出代價,橫風橫雨你又出事嘅話你話救唔救你好?平時要你企出嚟為香港出下聲又講到要和平要著重安全,但打風點解又唔洗諗?做香港人做到咁雙重標準,點怪得自己比中國人當ON9仔玩?

一個讚好,是對我的一點支持。
如果想分享給其他朋友的話,請標明出處並附上專頁網址。
FACEBOOK:https://www.facebook.com/MaoYanDe
TUMBLR:http://moyinday.tumblr.com/
Fanpiece:http://women.fanpiece.com/moyinday/

廣告