立即捐款

麥哲倫

筆名麥哲倫, 曾任職教師、工程師. 立志寫成為科普、科幻作家, 但每天的文字配額俾哂時事. 現為香港科幻會執委 遊戲及科幻「發燒友」。 網誌

政經

民主300+ 應提名俾胡官

民主300+ 應提名俾胡官
廣告

廣告

先問大家一個問題,如果特首選舉有第二輪投票,候選人是胡官 vs 689二世(林鄭/葉劉), 港商支持的280+選委會投俾邊個?

我估會係胡官!如果加上民主320+的票,咁胡官就會係下一任特首,一個中共唔想佢贏的人。
(根據 胡官說有「獲極有份量商界重量級人物」出面游說出山有

不過,點樣令咁既第二輪投票發生呢?

請大家先參考梁啟智的在(商界才是關鍵少數)中關於票數分析。

第一輪投票,商界支持薯片有280+票,而689二世只得少過600的北京(西環)票;假如民主300+全投胡官,就會出現以上情况,因為冇人過半數票,而胡官同689 二世就係最高票的兩名候選人,胡官vs689二世就會發生。

所以當胡官入局,中央喺選前只有一個考慮,就係會欽點其中一個,令佢在第一輪高票當選。

因此, 中共一定會說服北京(西環)票俾薯片。

對中共,薯片是比胡官 less evil。

咁你可能說,唔題名胡官之後投白票都做到第二輪薯片對689二世,最後民主300+ 票投薯片都贏到啦。

首先你認為你能說服部份民主300+ 的左膠選委投大右派薯片,投一個沒有承諾撤回831 的人嗎? 相反胡官說過要無視831,以及向交中央反映香港實際民意的政改咨詢, 所以要300+ 選委要投胡官應冇問題。

而且,在是次選委選舉中,大部份話要投白票的選委都輸,所以投胡官是對不投白票有所交代。

加上胡官入局,會令港商有籌碼去脅迫中共俾票薯片,相反如果冇胡官,中共只要引50+ 的商界票就能令689二世在第一輪低票當選。

因此我建議民主300+ 應

  1. 題名俾胡官
  2. 加上一名有公民提名支持的民主派入局
  3. 再全投俾胡官

咁就會令中共出力同薯片拉票,而民主300+ 又有道德高地去片呢個少圈子選舉。

當然如果中共令到港商投689二世,根本300+ 做乜影響力不到結果,但投胡官好過投薯片,因為這能忠於自己或港人,表達對 831 的反感及民主的堅持。

註:本文由麥哲倫中的天馬先生寫的

廣告