立即捐款

新文道

如果可以用5分鐘看完一套電影,那為什麼不可以50秒看完一篇新聞? 網誌

體育

五千人齊齊維港泳!

五千人齊齊維港泳!
廣告

廣告

「新世界維港泳」將會喺10月21號舉行,而最厲害既係今年報名人數破咗咁多年既新高,比舊年多近11%,足足有成五千人報名啊!優悠組名額已經增至三千個,而報名人數超過四千人,就連限額六百個既競賽組都有吸引咗近九百人報名,再一次證明香港人對維港泳既喜愛同支持。

今年除咗報名人數創新高之外,大會仲分別請黎兩個靚仔靚女,方力申同衛詩雅做今屆維港泳既大使,早前佢地仲着住泳衣拍攝「我不怕浪我就是浪」同「#wavemaker」為題既主題廣告,寓意每位參加既泳手都無懼風浪,相信咁難得既畫面大家都唔會錯過。

衛詩雅原來已經連續兩年參加維港泳,佢今年出任大使,除咗希望好似今年維港泳主題「我不怕浪 我就是浪」咁,超越自我,再創佳績之外,佢仲提到:「藝人同泳手一樣都是要不斷練習,突破昨日既自己。今年再參加維港泳,就係希望可以再次挑戰自己,完成本以爲冇可能既任務。」為咗今次呢輯泳衣相,佢仲特別節食添,唔怪得張相身材咁fit啦,相信一定下咗唔少苦功!

今次主題廣告相拍住一班泳手跳入水中既瞬間,象徵維港泳挑戰正式展開,成個過程考驗住泳手既體能、耐力、技術,真係少啲意志都唔得!同場拍攝既方力申係前港隊泳將,曾經出戰奧運仲打破咗香港紀錄,佢游水叻相信全香港都知道。今年報名反應熱烈,方力申都好開心,佢今次出任維港泳大使,就正正係希望可以向大眾推廣游泳。對方力申黎講,游泳除咗係運動,仲係不斷追求突破既生活信念。「我從游泳學識堅毅,亦希望多啲人可以享受呢項運動,體會呢種精神。」相信兩位大使咁正面積極既態度,都會為每位參賽者帶黎鼓勵,令到今次咁多位參賽者都鼓足鬥志游完全程!

廣告