黎左墨哥之前已經好多朋友問題我，你識唔識班牙文架？究竟點樣捲脷？
黎左一個月，雖然西文仍然不太靈光，但總算對捲脷有點心得。
一般來Tech既學生唔會take太多科，頂多三至五科，而所有交流生都會讀西班牙文。就以我自己為例，一共三科，分別係Basic Spanish、Oral Communication in Spanish同埋 Cultural and Social History of Latin America。由於西文係墨西哥第一語言，所以無論你上堂、蒲吧、落D都好，都唔會有人同你講英文，將要來墨西哥留學既朋友要有心理，準備苦練捲脷神功。
欲練神功，先放支ok粗既筆入口咬住，然後不停練習西班牙文的生字，每次至少三十分鐘至一小時。不懂西文無所謂，我在這邊就自創了一句句子：「El parrendero fumando cigarro」(The partier smokes cigarette)。係喇，就係擔住支筆，擔到口水都流出黎果陣就o岩。
好多剛學習捲脷的也會不惑不解：擔住支筆係流左好多口水，點解仲係好似捲唔到條脷？神奇之處就等一小時後才見效。
我地之所以捲唔到脷，係因為廣東話太多合口音，令牙拗長期合埋，舌頭繼而沒有空間郁動，久而久之學唔到西班牙文。咬筆的意義，就係要重新校準牙拗位置，亦即係俗語「整大個口」，當口部被重新擴大，舌頭才有空間練習捲動。
只要練習半小時，你就會感覺到明顯的分野，記住唔好因為流口水太多半途而廢，幾日之後你就會享受到講西文時不停噴口水的快感。
圖片來源：UST同伴Steve 攝於Monterrey