越近124，越來越多民間創作，文字、漫畫、改圖、短片、廣告乜都有．．．正！
民間創作一：[民主散 - 北京製毒廠一言堂 !] 平面廣告- By 肥拔（見左圖）
民間創作二：[請廣傳]拆穿補藥黨呃人陰招！
呢件事發生o係我個friend個親戚身上，100%堅料！
話說事主有日o係街遇到個中年男人，戴眼鏡打晒bow tie，斯斯文文成個sales佬咁！ 條友起勢咁話事主面色差，要加d民主補補佢喎，跟住拎o左 樽『政改大補丸』出o黎，叫佢一定要服用，唔係就會『原地踏步』，死梗喎！我個friend個親戚咪問佢樽大補丸有乜功效呀?佢話：『服用o左呀，選委會議席就會激 增1倍，好快見效o架！』事主心諗，無『普選』梗係唔夠民主啦！！而且激增1倍都係800個 加到1600個，自己都無份o既，梗係話唔買『政改大補丸』啦！於是咪問佢有冇『普選』賣o羅！跟住佢一味話『普選』太掯，你受唔到o既，遲d先啦咁！
事主再問佢幾時『普選』先有貨呀？有無時間表呀？嘿！佢即刻黑晒口面話：『而家有得你買政改大補丸已經好好o架啦！講多無謂，12月21號你一定要買！』嘩！好似迫人買咁，我個friend個親戚火都o黎埋，話12月4號一定去維園揭穿佢呢個補藥黨呀！條西裝友開始驚喇，口震震咁死撐：『車！你上街即係強硬對抗，因住o黎呀你！』 然後好嬲咁走o左…好彩我個friend個親戚無俾個騙徒呃到o乍，但係條友都會繼續去呃其他人，下個受害 者可能你朋友、父母、子女…唔想身邊o既人俾特區補藥黨欺騙，記得12月4號3點鐘，去維園拆穿呢個騙局！
民間創作三：124爭普選 -（漫畫版） 作者：Yeung
