7年前去過啲山卡啦地方返工（做丁屋油漆嘢），附近冇餐廳，又冇自備飯餐嘅人下午個餐就靠一架飯車，呢架飯車每日有兩樣飯你選舉，但煮乜飯菜係佢地飯車集團決定，我地呢啲消費者冇權決定今日食乜，只可以決定食A餐定B餐，有得揀，真係唔揀？冇飯食又懶得自備飯餐嘅人，就只好揀住先及食住先。
呢啲飯車嘅飯一定談不上好味，我地呢啲低收入戶工人只求有嘢落肚可以頂住漫長嘅下午，我地冇要求一打開個飯盒有隻南非吉品鮑，我地亦冇諗過呢啲飯盒有茶餐廳水準，只要啲飯唔係硬過石仔，只要啲飯菜冇發泡膠粒，只要啲肉煮得熟，只要唔會食到反肚死人已足夠，食住先，又唔係食一世，食唔死咪得。
點撚知呢架飯車嘅飯餐原來真係老母閪咁閪，第一次買佢啲飯盒，20蚊送一支水，好似好抵，一打開個飯盒，叫【粉絲什錦飯】，一塊雞蛋、兩粒獅子狗、一大堆粉絲，兩啖飯，完 。隔離果個師傅個盒呢？【臘味飯】，一條臘腸，半隻咸蛋，兩條菜，兩啖飯，完。係呀，係食唔死，食住先，係咁架啦！但我地真係接受唔到，盒飯變咗兒童餐，於是乎五個人拎住盒飯去同飯車賣飯果個去理論：「喂！呢度收我20蚊！？」「冷靜啲師傅！聽日加多兩隻雞翼過你地……」賣飯果個係咁回覆，我地都戇鳩鳩咁坐返去『食住先』。
收工之後，大家喺到商討應唔應該在『食住先』，因為仲有一個月要捱，又打過俾其他飯車，冇架肯入黎（可能同黑勢力有關），於是乎我地就夾錢買個電飯煲及兩包米，每日自備餐具、罐頭，由我早少少煲飯，下午個餐食罐頭大餐，雖然食罐頭唔會好過食飯車啲閪飯，但最少食罐頭有選舉，今日午餐肉，聽日咖哩雞、後日焗豆、大後日豆豉鯪魚，在唔係掟啲臘腸臘肉去電飯煲黎個臘味飯，洗乜食住啲閪飯先呀？一個投身建造業嘅人，每日下午個餐係幾咁重要，分分鐘盒閪飯可以影響一個人嘅心情，影響下午嘅工作，點可以就咁『食住先』？