位於紅磡寶其利街文華咖啡冰廳，經營了半世紀，於2017年9月24日結業。我們約了老闆陳成於翌日訪問，陳成伯伯向我們訴說他與文華半世紀的情。
文華本身的業主是做潮州魚蛋粉，不久便沒做了，找來了同是潮州人，姓蔡的經營餐廳，他找來一位朋友幫手，該朋友做則師樓，所以懂得裝修。他們同時間於天光道等地方開設餐廳。「所以大家都年紀大了，冇一間就少一間，我唔做都係因為年紀大。」
現年87歲的陳伯接手文華時已將近退休的年紀，以前做過很多行業，例如搭戲棚、於流水響做農場，但根本沒有想過做餐廳。後來姓蔡的老闆表示不做了，但正因為對餐廳有感情，不捨茶客同及伙計，所以便接手了這間餐廳，繼續經營。「我同女人（家人）講，女人搶住做，大家都有感情呀嘛。」由於經常光顧的關係，連師傅怎樣撈茶葉也從旁學識。
陳伯表示初期生意十分好，附近有：英泥公司、電燈公司、船塢、街市。一到兩點鐘一盤盤蛋撻出爐，很多顧客一買便是半打，每天賣出廿幾盤。可是當麵包店開始盛行後，蛋撻售量便一落千丈，現在一盤也賣不出去。
以前餐牌上只有數個套餐，主力賣咖啡奶茶麵包，客人通常趕上班，不會坐太久，通常是「一盅一件」。後來餐牌多了很多選擇，這都是女兒的構思。
陳伯經營了廿十多年，問到有甚麼難忘的事的時候，他卻說：「冇咩難忘，係唔捨得舊伙計，客仔……客仔有好多都走咗(過身)。為興趣接手，咁多年都係客叫我加價我至加。業主都唔係加得我好多租，我做到落去咪做。當年嘅業主都走咗(過身)……」
陳伯於接手時不但保留了當時的裝修，還保留了一枱一櫈。因枱櫈的木很實淨，只需將鬆了的接口用木膠加固。「但要拆，已經搵咗人將所有拆去還原給業主。招牌已賣咗俾人，佢做飲食，搵到地方就會安返上去。至於枱櫈賣了俾幾個人，佢哋要嚟珍藏。」
茶客心聲
訪問其間有街坊經過同陳伯打招呼，街坊表示：「四十幾年街坊，睇住我大，佢同個女都做得好辛苦。係好可惜，但係時候休息下，享受人生。」
九十後學生茶客表示：「佢唔係最好食，食嘅係懷舊嘅裝修，同埋仲係堅持自己做麵包。」
香港現存的冰室已經愈見稀少，而像文華一樣，擁有傳統懷舊冰室的裝修更是罕有。雖然文華咖啡冰廳已經結業，但這些裝修及情懷，將會收藏於我們的心中。
