學者同專業人士倡議成立專責委員會調查旺角事件起因，梁振英閃電拒絕、復於立法會保安事務委員會遭建制派議員否決。
梁振英嘅拒絕原因(冇聽到建制派有乜原因，或者佢地從來都唔須要卦)係話：有警察調查有法院審訊，自然會見到「事實」。
大家都相信：將會睇到阿邊個幾多點喺邊度掟過磚打過差人嘅「事」，然後佢被法官按「事」判刑，然後讓公眾按「事」做道德評判。係咁多。
不過，阿邊個幾點喺邊度掟過磚打過差人 ，只係一堆「事」件或「事」情 (event)。事件係最表面、最易接觸、最搶眼嗰浸，睇到「事」不等於見到「實」。而只根據事件而做出直接反應呢種行為模式，eg. 睇到隻腳流血，於是會手禁住，嗌痛，最多用水沖下…其實動物都識。
至於傷勢有幾重、受傷原因與過程、醫護方法、日後如何避免同類受傷等等……加加埋埋先係個真「實」（truth) ，要睇到或接近真實， 就須要運用高一级嘅能力，亦都只有人先擁有，即真正意義嘅「理性」：對事件進行綜合、分析，推理，做結論嘅能力。
平時擦損割親常有，的確唔駛下下咁高级要乜理性運用去搵乜真實……除非個創傷夠大。
旺角單嘢夠唔夠大吖？
須要警察搜証搵堆「事」件放喺法院陳列，
定係憑藉理性能力，譬如成立調查委員會，搵個真「實」出嚟？
有幸早排唔小心整傷咗隻腳都算幾嚴重，有所體會，我會話：「事」同「實」兩樣都要。傷口流緊血係要禁住，但只係唔俾血流出嚟住而唔攪清楚創傷嘅來龍去脈去處理（那怕過程會好痛〕，就極可能會跛一世！
一班人有理性唔肯用，咁同禽畜何異，真係要親身試下斷咗對腳先會明？
*****************************
延伸閱讀：
信報。鄭明仁《盡速成立旺角騷動調查委員會》
http://www1.hkej.com/dailynews/article/id/1239328/%E7%9B%A1%E9%80%9F%E6%...