題為編輯所擬。
呢件衫... 有返咁上下年紀... 當日買佢既時候... 並不是因為佢靚... 而係因為一個外國品牌會為香港出一件專屬既衫...
呢件衫... 好少著... 對上一次... 冇記錯... 應該係5年前... 今日拎返佢出來時... 百般滋味...
沒有人想見到暴亂發生，但呢個政府、裡面既高官、大部份既議員，話佢地係仆街都不足以形容... 佢地不是面皮厚... 而是中國傳統文化教導大家要有既惻隱之心... 他們一丁點兒也沒有... 加上他們同一構造，柒也！他們所做既一切，讓我們這個家只剩下無力感... 但當人一無所有時... 借用電影激戰的對白：
賤輝：「我仲有嘢輸咩？唔緊要啦！
贏又好輸又好，啲嘢都番唔到嚟喇。」
「其實我同阿齊都係一樣咋嘛，
都係想為自己，做番一件事。」
所以我好明白大家點解明知有危險、有代價，都要出來抗爭！但就像賤輝所說：「我呢廿幾年...乜都無做過啊... 我唔想到熄燈果陣，我連一件值得記得嘅事都無啊...」
自問沒有這勇氣走到最前線，所以只能透過這些文字，來為自己為一眾站出來既香港人打打氣！無論結果如何... 記住賤輝所講：「喂...佢無輸到啊... 佢做到佢想做嘅嘢架。」
沒站出來的、不能站出來的，不要緊也不需內疚，畢竟一個自由的社會，就是能讓每個人都能做選擇！你未必認同抗爭者的行動，但請幫忙，不要向他們潑冷水、甚至批評他們。
最後，作為一個社工、一個潛水教練、一個基督徒，我想我可以做的，就是鼓勵身邊人，特別是年青人去尋夢，不要被社會既價值觀同化，生活未必如意，但也至少能做回自己！