圖：HKFA
我成日去球場，但我唔係球迷，我是香港足球的支持者。 香港足球圈的事我大部份都不明白，輸波其實並不是大問題，如果香港係輸俾英國/德國/意大利/阿根廷……的話。但係中華台北，我有睇佢地踢波，能力去到邊心中有數；香港u22呢班我係2011拍到現在，也心中有數。 對之前高層與球迷們不停要話鼓勵鼓勵，我只好擰頭；對現在球迷要責駡責駡，我都係擰頭。正如我所講我對香港足球圈好多事台前台後都不明白，不理解，我只有用普通人(即是世俗形容的蠢人)的邏輯去問問題、找答案。
既然香港失去了青訓十年，是否鳳凰一起就要動起來去青訓呢？我又好笨咁去視察了青訓幾年 (早兩三年要上班、星期五晚上的比賽我搭的士趕去睇)可能啲高層話我自大，咁我會問佢地睇咗幾多青少年聯賽呢？ 我見到現時的青年球員有比之前沒有青訓年代的球員好的地方，也有比之前沒有青訓年代差的地方。 如果有專注訓練：例如 u16踢亞少盃那一批，一年間我見到有明顥進步，即是投放的資源十分重要－－唔好意思我又得罪高層(和球員及其家長)，這屆u16的個人質素並非報紙同高層和媒體所講的咁高，而係明顯低過幾年前無青訓那一班同齡者，有資源訓練下也見到進步是不能否認的。 兩年前我見到金判坤接手青訓，從側面聽到青少年球員對他的專重和用心去練習，而金生也是希望以一段不短的時間去培養香港青年球員。
不多久，香港又委以重任要他去帶大港腳，而香港的港隊青訓教練又如以前咁又換人：重點係又換人。一兩年又換人，與此同時 u22 大港腳的即食麵集訓，你地要有乜野效果？贏咗一場球迷就自大，輸咗一場球迷就鼓勵，其實問題知道未？好清楚係知道，有無去做、亦好清楚無去落實做。 香港足球不是要去鼓勵，不是要去責駡，是落實去做。目標係培養13歳，放眼十年，不是去找現在23歳的去作長期培養、不是25歳在球會仍是青年球員 。 順帶一提，2015都好似未有國際青年足球比賽搞下。 再提多一次我不是香港足球的持份者，否則我咁樣講野，好易無得撈。