【獨媒報導】立法會昨日全票通過《維護國家安全條例草案》,完成《基本法》第23條立法。全國港澳研究會副會長譚耀宗形容,在立法後可以放下心頭大石:「盡咗個憲制上責任,維護國家安全,我哋可以放手發展經濟。」
譚耀宗今早在新城節目表示,對能完成立法感到「好開心」,認為符合中央要求,及市民對特區期望,並指立法過程都係好順利:「從諮詢開始一路到通過,呢度反映出香港方面一個好大轉變,因為我哋由亂到治治及興,呢個興嘅開始。」
譚耀宗稱市民沒疑慮 法例生效後與過往無分別
條例將在周六刊憲實施,譚耀宗認為市民不會有疑慮:「你睇到法例生效之後,其實同過往無分別嘅,哈!我哋只係防範、制止某啲人去嚟破壞國家安全咋嘛,我相信呢啲係好極少數情況。」他表示,在法例生效後能起防範、制止作用,中央會更信任香港,屆時便能加強發展經濟:「大家出謀獻策,商界都係咁諗!」






