【獨媒報導】立法會三讀通過《維護國家安全條例草案》，完成《基本法》第23條立法。行政會議召集人、新民黨主席葉劉淑儀表示：「雖然當年未能成功立法呢係有啲遺憾，但係亦都好高興喺有生之年，能夠兩次機會參與立法工作，而且亦都喺21年後見到立法成功。我高度表揚政府官員嘅能力，立法會同事嘅貢獻。」
在2003年，葉劉淑儀是時任保安局局長，為23條立法的主要官員，但最終未能完成立法工作，並在50萬人上街抗議後辭職下台。在逾20年後，在中央出手「完善」選舉制度，落實愛國者治港，及《港區國安法》立法後，特區政府終於完成23條立法。
葉劉淑儀先指出，今次由特區政府自行立法，「就唔需要麻煩中央同我哋立法」。有記者問到葉劉淑儀的感受，及對當年未能成功立法會否感到委屈。葉劉則稱，對當年未能完成立法感到遺憾，惟高興在有生之年能兩度參與立法工作，並高度表揚官員能力、議員同事的貢獻，及立法會秘書處亦做了大量工作。
立法後針對在逃人士作出禁制措施？ 葉劉：交鄧炳強決定
被問到政府在完成立法後的首要工作，包括針對在逃人士作出禁制措施。葉劉就認為，要交由保安局局長鄧炳強決定，議員應先主力解釋及宣傳，條例不會影響本港的人權、自由及營商環境：「乜嘢構成罪行，乜嘢唔構成罪行，呢個罪行嘅定義係更清晰。我哋會盡量出嚟解釋，令到商界同埋所有不同界別，具有任何疑慮都消除晒。」
另外，葉劉引用港澳主任夏寶龍的說話，強調除了反駁亦要解惑：「我哋每一位都會努力㗎啦，有傳媒搵我哋，有商會呀有不同組織搵我哋，我哋都努力根據知識去解釋。」
被問自由黨2003年做法是否正確 張宇人：除低歷史包袱、向前看
至於在2003年，時任自由黨主席兼行政會議成員田北俊，表示不支持23條立法，更辭去行會成員一職，立法草案最終被撤回。在21年後「時移世易」，4名自由黨議員今次支持立法，黨魁張宇人見記者時表示，對草案獲三讀通過感到高興：「我哋自由黨喺23條，除咗見證歷史嘅時刻，我正話亦都有講過，我哋自由黨有個包袱。」
張宇人又稱，「我哋可以將歷史嘅包袱除低埋佢」，稱今後要向前行，繼續支持維護國家及本港的安全。記者問到2003年時的做法是否正確，張宇人表示「其實我喺度」：「我哋因應嗰個遊行示威，係建議政府押後。我哋當時當然係⋯⋯起碼我嚟講我係唔覺得、亦唔知道，押後係等於當時⋯⋯條法例要重新嚟過。我有份喺度，所以呢個包袱⋯，我孭咗呢個包袱好耐。」