攝影：林振東
政府為了滿足終審法院要求，在沒有諮詢同志團體的情況下急急推出一個沒有實質內容的、不能在本地締結的「登記制度」，形同寮屋：異性戀有屋住，同志就俾張鐵皮你自己搭，不含傢俬。
曾國衛表示，怕會引起社會分化。
何君堯表示同婚會禍及子孫。
李鎮強表示會令小朋友變成同志。
有議員指要諮詢保護兒童協會，暗指同婚會引致傷害兒童。
梁美芬說同婚會引起性別混亂。
這些說話如利刃一般，一刀一刀插進同志的內心。我們聽到了，我們記住了。我們這些倖存者，好不容易長大成人，對這種欺凌從不陌生。只怕仍在衣櫃中的孩子，聽到原來掌權者如此看待他們，會走上絕路。
梁美芬話呢個形同寮屋嘅同志伴侶係打開咗潘多拉盒子，煽動對人民的恐懼與仇恨。但我們應當記取：潘多拉盒子裡除了裝有不幸的事物之外，同時也裝有幸福、友情、愛情等幸福的事物，所以潘朵拉在蓋上盒子時，才留住了希望。
孩子們，You must be ready for a world that is not ready for you.
性小眾想要嘅係人權。
而政府冇當性小眾係人。
佢話：「當你係人我怕會引起社會分化wor。」
有咩分化？ 真正的分化就是在異性和同性戀中間的分化。如同是枝裕和《怪物》中所講：「只屬於小數人的幸福，不是真正的幸福。」
We are creature of the night …
點解梁美芬會話，怕承認同志婚姻，會「破壞家庭價值」呢？人哋結婚唔通會令佢離婚咩？點解係「最黑暗的一天」？
因為佢哋心入面嘅「家庭價值」，並唔係講緊「一男一女」定係「兩個同性」嘅定義咁簡單，而係一套神學。
佢哋認為上帝唔單止創造咗男人同女人兩種性別，上帝亦創造咗女人係男人附屬嘅位階（丈夫是妻子的頭）。 因此，任何超過兩種性別嘅理解、或者任何多於「男尊女卑」嘅婚姻關係，都係對佢哋呢套神學嘅挑戰，係一種「意識形態」。
因此佢哋見唔到司法覆核進程中背後都係人，都係掙扎住想要平等權利嘅人、想要生活嘅人。
佢地呢一套神學觀，唔單止鞏固咗父權，更加對性小眾，包含貧窮同志和非二元性別實行「剝奪人籍」，將佢哋從人類社會排除出去。
佢哋唔可能接受多元，而且認定多元嘅族群係想取代佢哋唯一嘅神學。為了這目的，他們把同志妖魔化，形同吸血鬼或會擄奪孩子的鴉烏婆。
我們是被社會掃地出門的怪物，只能成為婚姻制度下的難民。
This is very Voidpunk.
攝影：林振東
（本網歡迎各界投稿，文章內容為作者個人意見，並不代表本網立場。）