【獨媒報導】新界西區議員今日宣誓，離島區議員王進洋堅持戴上黑色口罩宣誓，拒絕接受民政事務局職員的建議作更換。王慨嘆黑色口罩已如同莫須有的罪名，強調不擔心因而被 DQ：「警察都有黑色制服，民政局局長今日都著黑色西裝，唔會取消自己監誓人嘅地位。我今日挑選黑色暴雨，平時都會著黑色，覺得黑色好有美感。」
他又透露，在社區會堂內前往洗手間時，有民政專員問他「點解全部議員白色、淺藍色口罩，得你一個黑色口罩」，然後自己「哄埋佢度好似咀佢咁，（展示）我（嗰口罩）無口號。」
被問 DQ 風險 王進洋判斷五五波
記者問到 DQ 的風險，王進洋判斷屬五五波，指區議員的角色較被動，又指如曾在示威現場高呼某些口號，「可能喺你嗰咀郁嘅時候，讀到你嗰句口號，話你唔知做過啲乜嘢，又懷疑你」。
王進洋表示，以平常心看待宣誓，並重提自己曾提倡大麻合法化，有街坊對此感到十分憂慮，會導致成為其被 DQ 的理由。
他指即使宣誓順利進行，但街坊對香港前景的恐懼卻未能平息，並觀望未來數年可能會再有大型示威，「連埋最近恒大破產、重組，呢個社會係有好多怨氣未平息嘅，係拭目以待」。
唔宣又宣？ 王進洋承認早前決定衝動
此外，王進洋早前一度表示不會參與宣誓，但最後「唔宣又宣」改變決定。王進洋對記者解釋，有街坊語重心長喚他留任，希望他放下面子。他承認早前的決定有點衝動，加上同事和親人均希望他能夠留任，稱按其 Facebook 專頁及 Instagram 內容，完全能符合政府的宣誓要求。
稱宣誓充滿光怪陸離的原因
被問到宣誓決定是否正確，王進洋稱宣誓充滿無法解釋及光怪陸離的原因，「我回應唔到㗎，喺我面前點解會咁多支咪望住我？因為宣誓充滿公眾認為好唔合理嘅嘢，所以你哋（記者）先會喺我面前出現」。
他又認為，即使今次能通過宣誓，區議會只屬法定諮詢架構，而且沒有實權，權力不比昔日的市政局，「（市政局）咁我哋可以做到更加多，連結更多市民，畀到實際啲嘅嘢佢哋睇，但今時今日無乜可能做到」。