（獨媒報導）宏盛閣居民何小姐昨日（28日）上樓，她原本打算在窗外張貼「原址重建」字句，不過一抵達樓層，何小姐就多次收到來電，除了著她屋內外均不要張貼「原址重建」，又勸她任何字句都不要掛起。何小姐表示對方並非警員，但不方便透露其身分。她指對方全日7次致電，至少四度被要求勿貼標語，又曾提出要來現場。何小姐曾申請昨天下晝再上樓，對方在電話中向她表示，張貼的字句可能影響何小姐再上樓。
與來電者及警員角力全日後，何小姐一度情緒激動落淚，她最後應警員要求將「宏❤️福」等字句貼在圍網內，但就擔心別人無法看見：「其實佢哋睇唔睇到㗎？其實係想全世界睇。」她哽咽表示字句是希望表達心跡：「想返宏福苑」。
貼窗前兩來電 著停止張貼
朝早上樓前，何小姐曾向現場記者表示，她除了收拾物件，亦會張貼字句於單位。約一小時後，何小姐抵達所住樓層，但尚未踏入屋內，就收到電話。何小姐在電話回應對方指，「咁我掛第二啲囉，我唔掛嗰隻字啫嘛。冇嗰四個字喺度呀，屋唔好擺嗰四隻字、窗都唔好掛嗰四隻字，係咪？」何小姐當時未確認下午能否再次上樓，對方表示稍後告訴她。
何小姐引述對方指示：「唔好掛『原址重建』嗰四隻字出去。屋（內）佢都唔suggest我黐喺度，最好唔好。」她表示不方便透露來電者身分，但得悉如果將相關字句掛出去，「『下晝唔知有冇得再上返』，佢用呢個（說法）嚟同我講，所以話你最好唔好掛嗰四隻字，以免我上唔返嚟」。
何小姐表示原本帶同「原址重建」字句，打算貼在窗外，事敗感失望，「最多落樓下show返比人睇」。她慨嘆「有啲麻煩，成件事係好複雜，每日演變嘅嘢唔同。前兩日都唔係咁，但今日又變咗係咁，我都唔知佢哋想點。」不過她早已預備後備字句——「我愛宏福」，準備懸掛廁所窗外。
但就在懸掛「我愛宏福」之前，何小姐再次接到來電，對方再度提及下晝上樓安排。何小姐在通話中又表示，「我唔係你嗰四隻字，唔係嗰四隻，我淨係要『我愛宏福』。『我愛宏福』都唔得唔係啩？」
何小姐表示，對方在來電中表示「最好唔好黐任何嘢，連呢四隻字（我愛宏福）都唔好。」不過何小姐仍堅持將「我愛宏福」貼於窗外，她表示「我堅持要呢四隻字，你唔畀我嗰四隻字我已經由你，但你唔可能連呢四隻字都唔畀。」
張貼過程樓下重兵
上午何小姐總算「有驚無險」將「我愛宏福」懸掛廁所窗。但在張貼過程，她看到樓下有多名警員駐守，「我冇預計咁多，而家十個八個都有，喺啲記者後面望緊，藍色白色制服都有。」
張貼過後半小時內，何小姐已收到第三通電話，對方在電話提出來現場，她在電話向對方表示不用到場，諷刺指「我未跳樓，唔使驚」。何掛斷電話後表示，有人著來電者上樓，何小姐拒絕，認為對方「唔想我再掛嘢」，感嘆「我完全唔理解嗰四隻字點解可以咁複雜。」
何小姐其後撥打電話，向對方查詢下晝能否上樓。對方詢問她貼窗事宜，何小姐引述對方重申，包括屋內，「原址重建」字句一定不能出現，已懸掛的「我愛宏福」無問題，對方知道何小姐打算再掛「我愛宏福」字句，著她下晝回來才張貼，否則未必能上樓。何小姐表示沒有告知他人自己打算張貼的字句，「我唔知佢哋點解知」。
警著轉貼橙網內 指直幡或飄落生危險
張貼約1個半小時後，警員向何小姐表示，基於結構問題，希望重整窗口圍網，擔心大風「吹嘢落去」，又指何小姐曾向他人提及跳樓，因此整好圍網較安心。警員表示掛字句無問題，但要安全，掛在圍網入面更穩固，「concern唔係寫嘅字，係個size」。警員指「可以諗得好遠，你當我杞人憂天，你嗰個banner，隔離係吐露港，一個大風吹咗佢......」何小姐回應指，她張貼的是紙張，「A4紙嚟咋喎，唔係一舊石頭」。警員就表示，「遮到個擋風玻璃又好，揸電單車遮到個頭盔又好，有可能發生我哋都盡量唔好。」
上樓時，何小姐曾解開部分客廳窗口的圍網，並提到在5月初第一次上樓時，該位置不見有圍網。警員提出入屋觀察圍網情況，再提醒何小姐稍後在圍網範圍內張貼字句，表示「呢的（橙網）值得信賴，經咗QC，嗰啲（廁所窗）未有QC。」警員又走到廁所窗，指要查看現在懸掛的A4紙。
未幾，警員又提出「交易」，表示得悉何小姐希望下晝再上樓，「幫你盡搞」；又表示可以不處理圍網，但要撤回廁所窗字句，「可以完全唔整（橙網）唔騷擾你，已經幫你爭取到咁，但係張紙攝返喺呢邊橙網度，就係咁簡單。」何小姐提出午飯後回來處理，雙方同意。
對於警方為何要求清除廁所窗字句？何小姐認為原因是「唔想畀人睇到，因為嗰度最易睇。」
「唔比我愛宏福，咁愛咩？」
準備吃飯之際，警員再次請何小姐到走廊，表示基於安全問題，房署現在會派工人入屋懸掛圍網，著何小姐一次過將字句放在橙網內。對方多番提出後，何小姐終同意先將字句從廁所窗收回，但就坦言感到無奈：「咁簡單嘅嘢，都唔畀做，都唔知想點。成件事都好變態。」
何小姐表示日前已聽到有街坊表示，被警方要求撕走「我愛宏福」。經過上午經歷，她慨嘆：「『我愛宏福』又唔畀，咁愛咩？唔通我愛香港政府？定我愛特首？定我哋要寫『我賣業權』，咁你哋就唔會阻止我，成件事好荒謬。」
相若時間何小姐又接到電話，對方確認何小姐收回直幡，又告知何小姐下晝上樓安排，又詢問何小姐的同行人士身分。
下午何小姐獲安排再度上樓，早上表現堅決的她，經過連番擾攘後顯露疲態、情緒激動，她在上樓前不禁落淚，在大堂冷靜過後才能開始行樓梯，她最終將「宏❤️福」的彩繪字句、原先廁所窗的直幡都掛在圍網內。張貼後她詢問，「其實佢哋睇唔睇到㗎？」問到她懸掛時在想什麼，她看著畫作，說「唔識答」，但希望用畫作表達：「想返宏福苑」，她說「其實係想全世界睇」。為何感受到壓力都堅持張貼？她就搖頭再度表示「唔識答」：「頭先佢哋都係恐嚇緊我哋咋嘛......」
何小姐下晝上樓情緒低落，亦不捨家園
遇警員厲聲阻貼窗外 稱會破壞圍網
何小姐傍晚下樓後向傳媒表示，下午上樓前有警員以惡劣態度和她對話，要求不能把畫作貼在圍網之外。何小姐表示，感覺似被「恐嚇」，不解為何不能把畫作貼在圍網之外，惟警員向她表示此舉會破壞圍網，「焗住好無奈佢一定要我黐喺入面。」她又指「原址重建已經就晒你我唔黐啦。」
何小姐憂慮，如果反抗警員要求，有可能無法再上樓取回物品，「佢已經兇到我，你係可以即刻走，唔畀我上去。」何小姐又提到警方指單位內不能採訪，「一定唔可以，啲朋友如果要喺度做Online（直播），或者採訪係唔得嘅。」
就何小姐的情況，《獨媒》昨日再向警方查詢，是否曾要求單位內外不得展示原址重建的字句？警方回覆指採取任何行動，均會按實際情況處理。
