【獨媒報導】宏泰閣和宏建閣居民首日上樓，伍先生今早陪同居住在宏建閣10樓的七旬父母上樓執拾。根據政府資料，宏建閣只有一個單位嚴重受損，兒子伍先生指政府在收集安置問卷時，尚未安排居民上樓執拾，難以知悉單位情況：「見我哋嗰座大部份都完整無缺，拆咗或者放棄單位有啲可惜。係咪真係唔會有一個原址遷回呢個決定？」另外，他希望當局將獨立委員會升格具法定權力，從而傳召宏業及區議員：「如果政府真係有誠意去徹查件事全部起因，如果某一啲人嘅角度完全冇去表達，我相信唔係事實嘅全部。」
他們一家三口上樓執拾後接受傳媒訪問，伍父表示太太行樓梯較辛苦，中途需要坐下歇息。不過，他指三小時的執拾時間較趕急，沒來得及拍照留念：「唔記得影相𠻹！睇個鐘夠鐘就冇影，顧住執嘢。」
兒子伍先生則表示，今天收拾了20多袋家當。除了支持原址遷回，他表示亦有留意聽證會消息，促請政府成立具法定權力的獨立調查委員會：「如果政府真係有誠意去徹查件事全部起因，如果某一啲人嘅角度完全冇去表達，我相信唔係事實嘅全部。」
指3小時收拾趕急 無暇拍照
75歲的伍父表示體力尚可以應付行樓梯，但太太就走得比較辛苦，上樓梯時要在梯間坐下歇息，落樓梯也較論盡。他指事前曾勸妻子不要上樓，但是對方堅持上樓。
伍先生的爸爸（左）和媽媽（右）
伍父表示大廈「幾光猛、樓梯好乾淨」，進入單位後發現「乜都冇燒，入面好靚」，並帶走近七成家當，包括有紀念價值的相片和結婚照。
被問到是否有拍攝單位作記錄，伍父稱忘記了：「睇個鐘夠鐘就冇影，顧住執嘢，冇咗件事。」他說如果下次上樓，會希望補拍相片留念。
大維修「黑鼆鼆」 暫居內地一年
伍父指40多年前開始住在廣福邨，20多年前就搬入宏福苑，對現在無法回家感到遺憾，「差唔多住埋下半世㗎喇。」雖然宏建閣受損輕微，但他與兒子的意見不同，寧願選擇「樓換樓」的新樓。
在屋苑大維修期間，伍父指因為居住環境欠佳，與妻子到內地租屋暫住一年，「黑鼆鼆封晒好辛苦，天時熱冷氣機又拆埋，侷住要走返去（大陸）。」他們原本打算租屋至去年12月，豈料沒能等到單位重見天日。
父親獲安置洪水橋 常回宏福苑找街坊
伍父與老伴現時暫住洪水橋的過渡性房屋，單位面積約200多呎。他指地點較為偏遠，但自己已退休，所以尚可接受。不過他苦笑指現在生活較苦悶所以不太習慣，「一係食完嘢買餸返屋企，一係坐喺度，一係瞓覺」，加上「商場冇乜嘢地方行」，需要搭車到天水圍或元朗站。
昔日住在宏福苑，伍父吃早餐後，便會步行到大埔中心或大埔墟火車站，對比之下故希望能獲當局原區安置，「住返喺度附近。起碼大家好多街坊。」雖然被安置到元朗洪水橋，地點較為偏遠，伍父現時仍會每月重返宏福苑：「一個禮拜一次半次，有班老友喺度，朝頭早餐廳食嘢啲人熟晒。」
上落樓三轉 質疑應開放升降機
兒子伍先生和太太，今日協助父母執拾了20多袋家當落樓，來回上落三轉，包括取回最重要的樓契、金器、現金及成長的相片等，他表示單位原好無缺，未發現單位有異常或失竊情況，形容上樓時心情相當複雜：「都等咗咁多個月，好多嘢擺咗喺入面。」他指今次未能執拾太多物品，無奈下只能「斷捨離」，希望再獲安排上樓，取回家中的小型傢俬及杯碟等。
伍先生指雖然家人單位的樓層不高，多次上落執拾不太麻煩，但對升降機未能運作存疑。他指根據聽證會資訊，宏建閣受損情況未如宏昌閣、宏泰閣般嚴重：「咁係咪真係冇晒電呢？係咪真係一部𨋢都冇呢？政府一路都冇交代關於例如樓宇結構、電力、水各方面供應係咪真係斷咗。」他希望當局盡快明確交代相關情況，慨嘆短期內是否再有上樓的機會。
此外，伍先生分享昔日與家人在宏福苑聚會的時光，這亦是他最不捨得的事：「雖然我搬走咗，但係我哋大時大節都會翻返去個單位嗰度，例如年初一或者做冬，我爸爸媽媽都會去準備一啲宴會嘅嘢⋯而家冇咗呢個地方，當然我哋可以喺外邊，但係就始終冇咗一個家嘅感覺。」
伍先生
質疑當局未安排居民上樓 便收集安置意願
政府提出「樓換樓」方案涵蓋房委會及房協的10個房屋項目，合有3,900個單位。伍先生表示，父母暫時接受「樓換樓」方案，但認為政府應待七棟大廈居民上樓執拾，並觀察家中環境才詢問居民意願：「之前我哋嘅意願係未了解我哋自己單位情況之下做出決定，我哋見特別我哋嗰座大部份都完整無缺，拆咗或者放棄單位係有啲可惜。係咪真係唔會有原址遷回呢個決定？」
他續提到，「樓換樓」粉嶺及九龍灣項目較快入伙，但提供的單位少，若宏志閣收購方案落實，變相更多災民爭選心儀單位，坦言自己有個「諗法」：「係咪真係八座同一命運呢？如果受災嘅程度唔係咁犀利嘅時候係咪真係要拆呢？定係可以分拆咁樣睇呢？」他認為，受損較嚴重的宏昌閣、宏泰閣有結構問題，居民可以選擇另行安置，反之受災未算嚴重的大廈「係咪可以有機會修葺再去住返？」，或會減少申請居屋人數，令真正需要的居民獲得想要的單位。
跟不少居民一樣，伍先生同希望合安召開業主大會，指現時業權仍在業主手中，最重要是清晰知道業主意向。對於報道指宏志閣有七成業主贊成出售業權給政府，伍先生就指按照民間、其他訪問及圍內居民群組，「我哋又唔見得係真係咁多」，認為業主大會能較透明地反映眾多業主意向。
盼升格成獨立調查委員會 傳召宏業及區議員交代
除此之外，伍先生希望當局能將獨立委員會升格，具有法定權力，指有不少主要相關人士缺席聽證會，包括宏業及區議員等，稱「如果有法定權力，佢哋可以利用傳召證人權利，去令相關人士可以交代返件事，因為如果政府真係有誠意去徹查件事全部起因，如果某一啲人嘅角度完全冇去表達，我相信唔係事實嘅全部」。
伍先生最後認為，宏福苑大火關乎整個香港：「可能我同你身邊，都係會佢哋住嘅屋苑，遲早一日都會搭棚維修。當我哋住嘅地方大維修，如果有問題嘅時候，其實我哋可以向乜嘢政府部門反映呢？」他指現時不同部門各有職權，惟溝通卻不清晰，市民應要知道如何申訴問題。