【獨媒報導】宏福苑居民今日繼續上樓執拾，宏建閣住戶范小姐今日重返屋企，她攜同由11歲兒子昨晚繪畫的「我愛大埔宏福苑，這裹是我的家」畫作回家。不過，范小姐指其單位未有嚴重受災，僅得3小時執拾時間，沒可能做到斷捨離：「我哋又唔係有錢人，好難做到斷捨離。」
范小姐與兒子居住在宏建閣，兒子得悉母親今日會上樓，昨晚繪畫了該幅畫作，希望媽媽可以放到單位內。談到兒子的時候，范小姐不禁哽咽起來，稱：「唔係得我唔捨得，其實佢都唔捨得㗎。」
兒子大火後情緒不穩 望下次可一起上樓
她表示兒子曾要求一同上樓，但因為未能協助分擔搬運工作而作罷。她稱在上樓時會與兒子視像通話，期望下次上樓可帶同兒子，讓他看見到自然的畫作。
在大火發生數日後，范小姐的兒子曾經情緒不穩，更一度失去食慾：「點解我都係返咗個學啫，放咗學之後冇屋企返嘅。」經班主任幫忙及開解後，范小姐兒子的情況已有好轉，但仍希望能夠上樓。
僅3小時執拾難斷捨離 「我哋又唔係有錢人」
對於上樓執拾，范小姐希望「攞到落嚟嘅就攞啦」，但從街坊口中得悉單位情況較混亂，更有遭人搜索的痕跡，早前已向警方備案，獲告知其單位未有搜索痕跡，期望落時不用報警。
不過，范小姐認為僅得3小時執拾時間，沒可能做到斷捨離：「我哋又唔係有錢人，好難做到斷捨離。你話有啲人可能就做到啦，因為佢有錢呀嘛，佢可以隨時買過第二度，或者買過第二樣嘢都冇問題，但係我哋真係唔得囉。」她續指單位未有嚴重損毁，「要攞嘅嘢三日都攞唔晒，更何況三個鐘」。
望原址重建 對政府提出收購業權感無奈
宏建閣大部份單位損毁情況較輕微，只有一個單位嚴重受損。范小姐對政府提出收購業權感到無奈，指假若上樓後發現單位絲毫無損，心情將更複雜：「如果當初我係咁唔想住宏福苑嘅，我一早賣咗宏福苑，我一早買第二度啦，我就唔使要陷入大維修呢個景況。」
對於長遠安排，范小姐同希望能原址重建，期望當局可以再三考慮，但如果最終未能成事，便會考慮「特設銷售計劃」，及或另行置業。
Simon
兄弟同居宏泰閣 憾未能取回相片
宏泰閣居民Simon 明日上樓執拾，他今日先陪同居住在11樓的哥哥回到宏福苑。他指哥哥住所大致無事，只有部份位置薰黑，並順利取回貴重物品及重要文件，惟相片太多及重，所以只能放棄，「大件物品拎唔到，就當係劃咗個句號」。
Simon 稱要保留實力，留待明日撐上位於17樓的家。根據社工傳來的照片，Simon 屋企焚毀程度頗為嚴重，只准二人由義工陪同上樓，未知可以取回多少物品。
談鄰居不禁哽咽 同層葉太救人喪命
作為43年前宏福苑的「開荒牛」，Simon 最愛屋苑環境清靜乾淨及空氣清新，還有漂亮景觀，哥哥因此在20多年前遷入：「嗰時媽媽都未走，諗住同一棟大廈，點知依家⋯⋯估唔到發生咁嘅事。」
在大火發生時，幸好兩個單位都沒有人。不過， Simon 談及鄰居時不禁哽咽，指隔壁的兩父女不幸喪生，對面單位則是拍門救5命後不幸罹難的葉白瑞蓮：「要我講鄰居更加係歷歷在目，大家認識都好friend，淨係我嗰層已經三位街坊唔喺度。」談到過去五個月的感受，Simon 形容「唔好受」：「一路喺度Roll，好難受」。
同望原址重建惟知機會渺茫
至於未來安排，Simon 同希望原址重建：「宏福苑幾乎有三至四代人喺度住，由我哋嗰代，到佢哋啲細路仔，結婚生小朋友再喺度住，我睇啲細路一路喺度大，所以係唔捨得嘅，但係⋯⋯奈何。」
他坦言原址重建機會渺茫，即使同區安置亦難，形容當局是強行要居民離開：「係鐵一般嘅事實，就算唔離開，佢都會用強硬立法手段要我哋走，你睇宏志閣都見到。」