【獨媒報導】宏福苑七幢受災大廈居民第二輪上樓執拾，居住在宏道閣的李太在上樓前接受傳媒訪問，哽咽說在大火後半年，居民失去家園，至今仍未有官員道歉，前幾日山西留神峪煤礦爆炸，市長便要馬上道歉。她表示居民在單位內張貼標語，只是表達對宏福苑情感，卻不被容許，對此感到費解：「其實都係幾張紙啫⋯⋯咁點解都唔可以呢？因為業權仲係我哋度，個地方都仲係我哋㗎嘛，咁點解都唔畀我哋咁樣做？」
宏道閣、宏盛閣居民今日重返單位，居住在宏道閣10樓的李太上樓前接受記者訪問，她顯得憤怒，指居民面對收購是「冇得揀」：「賣業權同唔賣業權⋯⋯我哋依家嘅選擇就係。」
仍未決定是否出售業權 望原址重建
李太表示，現時仍未決定是否賣樓予政府，哽咽說：「都成半年，大家冇咗屋企，原來唔需要一個高級嘅官員出嚟道歉、或者負責任。」她舉例前幾日山西留神峪煤礦，市長亦馬上出來道歉：「香港作為一個發展咁全面嘅地區，點解到依家都可以冇一個官員行出嚟道歉或者負責？淨係喺個聽證會到搬龍門。」
對於長遠居住安排，李太仍希望宏福苑能夠原址重建，並讓居民盡快重新入住。她呼籲政府應雙向溝通：「唔係隔住搵一户一社工、解說員同我地講，應該同業主一齊坐低慢慢一齊傾，（現時）出嚟畀所謂嘅方案我哋，係咪真係可以滿足我哋每個居民嘅需要？係咪真係聽到我哋想要嘅聲音？」
資料圖片
促盡快召開業主大會 慨嘆半年來生活頻撲
不少居民連日上樓的時候，在單位內張貼標語表達訴求，惟卻遇到「阻撓」。李太亦有意見：「上一兩星期居民上咗樓，可能佢哋貼一貼紙，去表達對宏福苑嘅情感，都唔可以嘅。咁其實都係幾張紙啫，或者幾句說話，係大家對宏福苑嘅情感，咁點解都唔可以呢？因為業權仲喺我哋到，個地方都仲係我哋㗎嘛，咁點解都唔畀我哋咁樣做。」
李太促政府盡快協助召開業主大會，指所有與屋苑有關的人都希望舉行業主大會，重申面對面才算是溝通，又反問：「點解唔同我哋面對面傾？」她最後慨嘆，大火發生半年以來十分頻撲，一邊上樓執拾、處理寄倉等，一邊要兼顧日常生活上班，已經感到很疲倦。
再上樓冀懷緬家中時光 嘆要適應北韓式生活
同居住在宏道閣的黎女士，其單位在大火中未有嚴重損毀。她指上次已拾回貴重物品，今次上樓希望執拾日常用品、衣服，並好好懷緬家中時光，「每一次都預最後」：「（上次）直程唔捨得嘅時間都冇，希望今次留到起碼半個鐘感受返。上次連最後出門口望住間屋想喊嗰刻，只係得兩秒就要走。」
被問到政府的收購方案，黎女士表示自己未有決定、「未諗到」，希望當局能夠原址重建，惟「我覺得依家好難講」：「錢唔係唯一考慮，都係prefer 原址嘅，不過⋯⋯依家依個時勢好難去有咩要求。」自己
對於近日有居民在單位內的窗前張貼「原址重建」標語訴求，部分更被撕走，黎女士指 「可能我哋要適應北韓式嘅生活」，稱自己不打算在家中張貼類似心聲，「會放在心中」。