租戶何女士和兒子
【獨媒報導】宏福苑居民今日續上樓執拾。在大火前一人租住宏道閣單位的何女士，今未能上樓，因業主已佔用3人上樓名額，業主只容許簽署租約的兒子上樓。何女士感卑微，嘆自己快70歲，「只係希望拎返我自己嘅嘢，屋裏面全部係我嘅嘢。」何女士的兒子則表示，曾多次與社工交涉，對方僅回應上樓程序要由業主批准，他批評「卓永興唔係咁講㗎喎」。
何女士指，自己今日未能上樓，因業主只提供一個上樓名額予他們，而因租約由兒子簽署，業主只讓兒子上樓，業主方則會有3人上樓。她批評「（業主）淨係有一個洗衣機同冷氣機！」、「佢唔肯同我哋溝通，問咗好多次，佢都唔畀我哋上去。」
何女士指，自己交足租、無欠業主，亦無跟業主爭吵過。但大火後業主自己申請「災民證」，申請各項援助金，卻又「成日覺得我哋攞咗佢啲嘢（援助）。」
何女士今日未能上樓，到場則希望查詢可否通融，容許她到單位走廊外看看，「我唔入佢間屋囉。」她感到卑微，因即使本身居住在宏福苑，今日卻未能入內，「好慘，根本靠我個仔，佢一日都冇喺度住過。」
何女士說：「我同社工講，你畀我喺走廊啦，我執到啲嘢睇吓有邊啲唔要，我唔攞落去，我幫個仔攞啲，佢都唔肯，話唔得。我只係走廊，唔入佢間屋，冇抵觸，都冇人肯畀（滿足）個訴求，我哋根本就無助。尤其係我就嚟70歲，只係希望拎返我自己嘅嘢，屋裏面全部係我嘅嘢。」
何女士表示，因只有一個上樓名額，兒子只能簡單拾執貴重物品，她希望兒子可以幫她收拾首飾、保險遺囑文件等，反問「一個人攞得乜嘢啫？你攞得乜嘢？冇可能㗎真係。」她又說：「我自己先知道擺喺邊，我個仔冇喺度住過。」
對於政府曾承諾會為宏福苑租户提供足夠上樓名額，何女士略帶激動表示，「政府淨係要我同業主溝通，乜嘢要業主俾（批准）先俾。」自己過去已多次與業主、社署溝通：「我都唔明點解政府幫唔到我哋，一户一社工亦幫唔到我哋，業主又唔肯俾我哋，我哋根本就無能為力。」
何女士的兒子則指，上樓名額要業主同意和交名單，他們沒有話語權，「我都有同社工講過，明明卓永興話彈性處理、人性化呀嘛，但（社工）就話上樓情況就係咁。」
何女士今日下午以電話接受訪問表示，早上入場時獲額外分配多一個名額，最終能夠上樓取回更多物品。不過，她表示，不清楚上樓名額是政府額外提供，抑或業主讓出，並指上樓期間見到業主一行人，惟他們僅上樓約20分鐘便離開。
社署傍晚回應稱，業主及租戶方二人，即租客及其家人今早已成功返回單位執拾，形容過程順利，又指「一戶一社工」會主動聯絡有關租戶了解其訴求，並按此積極跟進他們返回單位執拾的安排。