（獨媒報導）大埔宏福苑居民上樓執拾第八日，宏道閣居民謝先生斥政府拆卸七座大廈「好戇居」，要求保留「冇爛」大廈，並揚言要向申訴專員公署投訴：「佢（房屋局）同港大已經證實咗啲石屎結構冇問題，淨係電線、喉管問題，我覺得一次過拆七座係好戇居嘅一件事。」
房屋局早前表示，局方和房屋署的結構工程團隊聯同香港大學專家評估樓宇情況，指整體結構無即時倒塌風險，惟石屎出現很多微細裂痕，影響長遠維修保養、結構安全。
當局今日安排宏昌閣5個樓層及宏道閣10個樓層居民上樓，居住在宏道閣8樓的謝先生，她與年邁的母親同住，惟媽媽因體力問題無法親身上樓。媽媽今早撐拐杖到場等候，她哽咽指對無法上樓感到難過：「好大感受，呢個係自己嘅家，啲後生（上去）都辛苦㗎嘛。」
謝先生
望回家中梳化坐坐 要求再上樓
謝先生表示，沒有收到「一戶一社工」提供的單位照片，估計家中損傷輕微，表示最希望取回家中聖經。謝先生自中學起居住在宏福苑至今近20年，指家園滿佈回憶，上樓後希望在家中的梳化坐坐，形容是「全屋最舒服嘅位」。
不過，謝先生今日輕裝上陣，表示只會取走簡單物品：「要第日返嚟，我哋都盼望返嚟，因為佢唔開𨋢，即係想我哋唔搬嘢走。唔搬嘢走，即係我哋要返嚟囉」。然而，謝先生坦言沒有信心可以再次上樓，會盡量爭取。
母親無法上樓 撐拐杖守候哽咽
謝先生的單位今日會有兩人上樓，他表示母親亦希望上樓，但行樓梯有難度，即使曾嘗試「行一兩層」：「唔係好得，所以唔好啦，唔好夾硬嚟。」
謝母今天撐着拐杖到現場等候兒子上樓，因為體力無法親身上樓，她坦言心情不好，「自己上到去，鍾意攞乜就攞乜」，指兒子屆時會開直播展示單位情況。她表示現時獲安置在香港仔，非常希望回到宏福苑居住，最後對無法上樓哽咽：「好大感受，呢個係自己嘅家，啲後生都辛苦㗎嘛。」
謝先生母親
13歲中學生主動提出上樓 盼取回數學比賽獎狀
此外，13歲中學生Edan 居住在宏道閣近6年，他主動提出與家人一起上樓，「想見返屋企最後一面」，並希望能取回自己數學比賽的獎狀和獎牌。
與家人同住在宏道閣15樓的Edan，同表示沒有收到「一戶一社工」提供單位照片，不知道家中情況：「有啲緊張，都唔知屋企咩情況，希望冇嘢啦。」
Edan
拾回父母留下物品 與屋企講再見
盧先生手持拐杖到場，希望上樓拾回父母留下、有價值的物品。他同沒有收到「一戶一社工」提供的相片，所以不肯定單位的受災情況，「盡人事，盡量執」。他對往後未能繼續在宏福苑居住感到可惜，今次上樓期望同屋企講再見：「住咗幾廿年啦，會留低張紙。」
除此之外，今日有不少居民的朋友在大廈外守候，希望接力上樓執拾。陳太攜同紅白藍膠袋到場，稱從朋友口中獲悉可以接力，期望能減輕朋友負擔。
盧先生