（獨媒報導）宏福苑其中三棟受災大樓，宏仁閣、宏新閣和宏泰閣今日第二次開放予居民上樓。居民劉小姐表示，今次回家主要想取走小朋友的物品，例如玩具：「其實小朋友喺呢件事上面係影響都好大，因為佢哋冇辦法可以上返屋企，我哋影相俾佢哋都有情緒喺度。」她又提到，第一次上樓時發現小朋友利是不翼而飛，感嘆：「佢哋又問點解會唔見咗，邊個攞咗？呢啲嘢我都係唔識答小朋友。」
在火災善後一事上，劉小姐希望政府可以做得「好睇啲」，指小朋友是未來社會棟樑，質疑「如果喺個社會個制度咁樣嘅情況下，佢哋係咪將來香港仲可以喺度發展嘅機會呢？」、「小朋友係睇住呢件事㗎，唔會識得分析咁多，佢哋而家淨係知道，點解我一日就返唔到屋企呢？即係發生呢件事就返唔到屋企，我屋企冇燒喎，點解返唔到去呀 ？呢啲我都答唔到小朋友。」
至於自己，劉小姐坦言兩次上樓的感覺都不好受：「其實日日都好想返屋企。」她形容，目前在暫居住所的情況不太好：「我屋企就永遠都我屋企，你搵唔到、replace唔到，我由細個出世住到而家，小朋友都出世，我搵唔到另外一個地方係比宏福苑更加好。環境地理優勢之外 ，係我哋成班街坊嘅感情。」
劉小姐
對於安置方案，劉小姐希望政府能「做多一步」：「做得再理想啲，但係冇辦法嘅話，我哋都要硬食，我哋冇選擇權。」被問到期望政府如何做得更好，劉小姐叫記者「問返官員」：「我哋呢啲蟻民嚟㗎嘛，佢哋攞咁多錢一個月，分紅都有940萬咁多（編按：指卸任議員向助理派獎金一事），我哋邊個有呢啲錢。」
