林先生
【獨媒報導】宏福苑五級火發生8個月後終迎來首次業主大會，不過合安卻將會議分散四區舉行，並刪去部份居民聯署要求的議程。會議歷時近5小時，有人提早離場、有人留到最尾，亦有人獲得發問機會，不過眾人都不約以同表示業主大會浪費時間、「兜圈」、「耍太極」，亦批評合安分散居民，不相信香港沒有一個可容納2,000戶業主的場地。
與會居民：冇得到任何嘢
今日在啟德會場兩度發問的宏泰閣業主林先生直言，開會後感覺是浪費時間，「冇得到任何嘢」。他舉例，在每一輪發問環節，都有居民關注當局圍封屋苑的法律依據，但合安只回答「不屬管理人職責範圍」和「你可以向一戶一社工反映」，到後來更「當聽唔到，完全冇回應」。他質疑，合安作為屋苑管理人，理應了解並交代屋苑公用範圍為何被封、由哪個政府部門負責、各樓宇斟查報告等，因為這些都涉及住戶利益。
他又形容，去到會議中段，合安物業服務總監陳偉光的態度「有啲忟」，不斷說「已經答咗」，認為合安口講願意溝通，實際上予人感覺「呢單嘢唔係我跟開」。他嘆，最初對業主大會的期望是讓居民有機會聚首溝通、表達意願，合安最後卻取消部分議程和將居民分散到四個地區場地：「香港盛事經濟隨時幾萬人一個show，你同我講話二千幾人（一個場地）容納唔到，接受唔到囉。」
不過，林先生仍期望合安能在8月中舉行下一次業主大會，因8月尾就是賣樓死線，他認為業主應在有充足資訊和時間的情況下，決定是否賣樓：「賣樓係重大決定，但場內好多居民都話，好多決定要急住做、逼住做，用佢講法（咁樣）係唔理想。」
黃小姐
居民坐足六小時仍無解答：無奈、疲累
宏志閣業主黃小姐被分派至天水圍會場，並被抽中發問。她於會上問及上樓安排，質疑為何宏福苑，尤其是宏志閣居民在樓宇全無損毀情況下至今仍無法回家。管理屋苑的合安代表律師回應時表示，屋苑現時仍由政府管理且未解封，當局稍後會作報告。
對於管理方的回應，黃小姐直言感到無奈與疲累，形容今日的會議根本無法提供實質資訊。她批評合安一直在「遊花園、答非所問」：「我坐咗六個鐘之後，都要諗究竟佢講咩呢？ 好似係答冇、又唔係答有，但應該係答冇嘅。呢個係我覺得好攰，聽完成個會之後，我覺得我得唔到任何答案。」
經歷全日會議，她諷刺指唯一清晰的事，就是看穿了合安迴避的態度：「就係我見到當佢唔答某啲嘢，或者喺度重複遊花園嘅時候，我就知道嗰條問題佢未必可以答到。我清晰嘅事係，我知道我下次再問，可能佢都唔會俾到任何答案。」
四場地遙距開會 被批安排混亂削發言權
此外，黃小姐亦批評今日的業主大會安排「非常混亂」，對合安將居民分拆至四個不同場所、並以遙距視像方式開會的安排深表不滿：「我未試過開一個EGM，係要對住個mon，睇住主席大會講或者討論嘅。」
她指出，此安排阻礙居民向大會主席即時反映意見，所有訴求必須經由現場職員中轉。然而，現場職員並未發揮溝通橋樑的作用，「變咗好多時候我哋所有嘅訴求、或者有啲好細微嘅情況，譬如話想睇清楚個mon， 或者想問清楚少少嘢，都係冇人處理我哋」，令居民在大會中形同被孤立。
關女士
居民憂下次開會於賣業權期限後
宏泰閣住戶關女士獲派到華貴邨社區會堂，不過她在最後數個議題點票前便提早離場，她不滿業主大會無法解答居民疑問，批評合安「問非所答」，「所有會開完都係一樣，答咗等於冇答」。她又認為合安推卸責任，無法給予居民交代，「個波踢嚟踢去，完全唔係我哋想要嘅嘢」。
她又擔憂，所有問題都在居民8月31日賣業權的限期過後才會有答案，屆時若果居民已經出售業權，將無權出席下次業主大會，「如果我哋賣咗所有嘢，都唔關我哋事㗎啦，咁有咩意義啫？冇意義。」她又稱：「所有報告都係之後先出，咁我哋都唔係業主啦，同我哋有咩關係呀？」
Kitty
居民批大會耍太極、兜圈
宏泰閣住戶Kitty亦提早離場，她對大會無法解答居民問題感到「好勞氣」，「喺到耍太極，好多問題都答唔到我哋！」她最希望能夠獲妥善安置，並指現時政府提供的選項都不合適，單位大小相比起宏福苑居所相差甚遠，賠償金額亦不足以購買同等大小的單位。她指，出售業權的限期是下月31日，但保險的評估結果則在限期後才公佈，「咁出咗個報告，保險都唔關我哋事啦。」她表明暫時不會簽署業權收購書，以免之後無法再就宏福苑事宜表達意見：「如果簽咗乜都唔關我事，我上樓都冇份。」她提到，政府曾說會為收購宏福苑剩餘業權立法，她說：「我唔賣個業權俾你，咁使唔使坐監呢？」
陳先生
有人提早離開，有人留到完場，不過感受一致。代表居於宏建閣的父母、出席業主大會的陳先生完場後同樣向記者表示，本來對大會也沒有任何期望，會上亦沒有正面回答居民很多問題：「要知嘅就一早知啦，好多問題其實問完之後都係兜圈，佢都答唔到。」
陳先生在會上問及火險的賠償問題，問到如果現時已沒有重建或復修的計劃，保險公司是否不用賠償火險的20億，他形容大會的回答「九唔搭八」，「喺度遊花園，完全好似唔識中文咁冇答過！」他指，大會只回答答案較正面和沒有爭議的問題，例如解釋民事索償程序，確認如居民提出索償，律師會在訴訟前評估勝算，如居民勝出則可以向法庭申請追討對方支付訟費，「比較positive嘅嘢，就我哋問佢先答。」
陳先生又提到，有居民問及能否在8月31日賣業權限期前的一星期再開業主大會，但合安再度表示因場地問題而難以安排，已「打定輸數」未能在8月31日前再開會。他現時暫未簽署業權收購書，至於會否考慮在限期前出售業權，他則說：「到時再算，而家都係盲盒大抽獎啫嘛，唔係guarantee嘅，亦都唔係一個好大嘅誘因，令我即刻去售出一個業權。」
被問到是否滿意業主大會的安排，他指一眾居民都十分不滿合安把居民分散至四個會場，「我唔相信香港冇一個地方可以容納到2,000戶，當每一戶有兩個代表出席，即係4,000人，啟德開一個演唱會都五萬人啦係咪啊？大球場都可以容納到啦，唔一定要有冷氣啦。」此外，他提到獲授權的代表都有在早一日經電郵或電話訊息收到正式確認，但部分業主代表於到達會場後卻被「搬龍門」。他並不認為合安有協助居民，「合安應該係要協助我哋，唔係阻撓我哋。」