黎先生指，屋內「大房櫃門全開，細房櫃桶開晒，同有兩個櫃桶去咗大房」雖感到不解，但因未覺有財物損失，因此未有報案。（黎先生提供家中相片）
【獨媒報導】宏福苑續開放居民上樓，今日亦是不少單位未被波及的宏道閣首日開放。居住宏道閣9樓的黎先生是其中之一。他稱相隔五個月再次回家，坦言「太耐冇返屋企都有啲緊張……其實琴晚都瞓唔著，因為隔咗咁耐屋企會係點，所以都好緊張。」
黎生提供家中相片
火災後宏福苑出現失竊案，黎先生指家中的利是及現金仍在，笑言「咁就會放心咗啲。」不過他家中的物件非常混亂，「啲衣櫃俾人開晒，不過就好彩好似暫時見到冇唔見嘢，但唔知點解啲衣櫃俾人開晒門」，「咁我當佢冇（盜竊）先，之後返去再睇」，暫不報警備案。
他明言3小時執拾時間不足，「你上到去可能又要諗自己啲嘢擺邊，咁要慢慢再執，其實係唔夠時間，就希望可以再上多一次去。」
黎先生
同樣居於宏道閣的黃女士，其7樓的單位亦未受大火波及，「好彩、好感恩真係，屋企個個都冇事」。雖然她購入單位只有約五年，但指有重要回憶，「係我同我先生第一間買嘅呢間屋。」她向記者展示其單位情況的影片，可見單位狀態完整。黃女士指未見失竊，成功拿回如金器及相片等貴重及有紀念價值的物品。可惜時間有限，只能取回較輕便物件。她表示如果可以，希望能再度上樓，取回電器等大型物件。
黃女士
有住低層單位的伯伯表示，雖行動不便，但慢慢一步一步地走，都要行上樓。
受損較嚴重的宏昌閣今日亦續有居民上樓，不少居民明知已嚴重燒毀，但仍堅持上樓，亦居民帶同鮮花悼念罹難的鄰居。
鄧太住在宏昌閣17樓已43年，指宏福苑「真係好好住」，「交通方便同埋環境又好」，閒時會踩單車到大埔墟街市買菜。她又指鄰里關係極佳，「即使單位燒咗、搬去咗第二度住，大家都有電話聯絡。」對於同層有數位鄰居罹難，對此感到很難過。其女兒則表示，自出生後就搬到這裡，小學也在附近，因此對這裡很有感情。
提起單位的情況，鄧太亦一度哽咽，表示「望到就唔開心」。由於有多年感情，即使知道單位已嚴重燒毀，仍堅持撐著拐杖上樓：「辛苦都要上去啦，想見下自己屋企變成點樣。但係一上到去就，（發現）比我想像中係（燒得）好犀利。」
她不打算再上樓，「都燒晒喇，再上都冇用，連士多房都燒埋。」今日曾徒手挖掘，「因為所有嘢都變曬灰⋯⋯你好難搵到啲好細微嘅嘢，咁所以徒手搵係比較好啲」，最終只能尋回「少少紀念品，一兩條金鏈仔」，以及一些陶瓷器具及從外國買回來的茶壺：「搵唔到太多，都係啲擺設，好少咋！見人哋一袋袋，我哋得咁細袋。」拾回來的物品，她們會在新家中好好存放，作為紀念。
劉小姐居於宏昌閣，除了一個大行山背囊外，亦手持兩束鮮花上樓。她表示，是獻給同層兩位已罹難的婆婆，「我哋由細住到大，細細個已經識」。
有居民單位留有煙頭
方先生住在宏昌閣31樓，其單位損毀嚴重，多處需要支撐架加固。雖然他只帶了一個行李箱上樓，最終亦無法裝滿。方先生指，家人無吸煙習慣，上樓卻見單位中留有煙頭，對此他表示「唔意外，因為好多工人肯定係上去做過工程，咁有工人就有煙頭㗎啦，呢樣應該係common sense。」
雖說是「common sense」，但方先生始終「覺得唔係幾好，係⋯⋯唔係好應該，尤其是本身好可能係因為呢樣野而導致火警，咁但係我唔意外。」
方先生形容單位情況惡劣，因此「未必會上多一次」，「全部每個地方都有野加固，差唔多每個地方都有，有啲地方都好難行」。他又指頂樓的風景不錯，「一邊吐露港，一邊油站嗰邊」，可惜未能到靠窗位置細看多次風景，「因為嗰邊比較混亂啲，同埋棟哂啲嘢喺度，只離遠望到」。在單位內，方先生亦有嘗試多拍照，以記下單位最後的面貌，當作「最後告別」。
方先生又表示，在單位剷了很久灰才見到地板，「差唔多剷到底先搵得翻（首飾）」，今次尋回的主要是首飾，如結婚的龍鳳鈪、珍珠鏈等。對於未來，他現時初步傾向選擇「樓換樓」方案。