【獨媒報導】住宏泰閣1701室、妻子白瑞蓮罹難的葉家駒今日再次回家，可惜未能找回妻子的婚戒。葉家駒直言失望，但亦沒辦法，唯一找到的是妻子的手錶，形容算有少許安慰，「總好過咩都搵唔到。」葉又說，從未想過賣業權，指自己的單位屬其私人嘅產業，批評當局設收購限期的做法荒謬：「其他人點能夠決定我私人產業嘅命運？」，「你 set 咗8月31日做死線，要喺呢日前決定。何來你情我願？成個過程只係不停咁壓迫我哋。」
未尋回婚戒感失望 盼再上樓憑弔屋企
在上一次回家，葉家駒在房間位置找回了自己的結婚戒指，但就未尋獲妻子那一隻。他今日和兩名兒子再上樓，用盡三小時嘗試在灰燼中尋找。葉生指，從前妻子一直珍而重之地收起婚戒，只會在隆重場合戴上，例如兒子的婚禮；他和兒子今次集中在房間位置尋找婚戒，但最終未能找到，他和兒子都感到失望。
不過，葉找回一隻屬妻子的手錶，指妻子已戴了八、九年，能找回是少少的安慰：「算係其中一個我同佢連繫嘅嘢。」他指手錶已燒至難以修復，「得返個殼」，計劃找人把它修整好後，「再連同上一次找到的金鏈、玉配收藏起來。」至於上一次找到那隻婚戒，因燒溶了一半，葉同樣希望找人修復它，之後可以戴在手上。
葉坦言，在尋找戒指的過程中沒什麼感受，形容似在尋寶，「一路挖，似嘅就攞上手睇。」離開前，他又在廁所位置放下了電子蠟燭：「我諗佢已經唔喺嗰度，相信佢已經去咗佢應該去嘅地方。」
葉家駒先生在廁所位置放下了電子蠟燭。
葉又希望能再次上樓：「但第三次上就未必係去執拾，可能真係去憑弔我呢個屋企。」
指設「收購死線」做法荒謬、冇人情
近日當局向宏福苑業主發出業權收購信，首個限期是6月30日。葉家駒說，現階段無意賣出業權：「冇，我一路都冇諗過。」他認為單位屬私人產業，不應由少數服從多數去決定賣不賣：「其他人點能夠決定我私人產業嘅命運？喺我嘅角度，我嘅屋企，我從來唔係以市場價去決定佢嘅價值，我有我自己嘅價值⋯⋯每樣嘢喺每個人心目中都有一個價。」
他又指，獨立委員會的調查報告尚未出爐，當局已設下「收購死線」，做法荒謬且可笑：「你 set 咗8月31日做死線，要喺呢日前決定，何來你情我願？成個過程只係不停咁壓迫我哋。」「唔係應該先問責、後安置咩？點解要調返轉嚟做？我唔明白囉。」
至於合安申請延期通知和舉行業主大會一事，他說不評論：「我唔想被人話我妨礙司法公正⋯⋯佢應該有自己專業嘅 judgement，我哋唯有等佢出（結果）。」「可能拖十年八年，咁我哋都係跟司法程序去做，我哋咪上訴。」
這個過程是否不近人情？葉說應該以巧取豪奪、輸打贏要來形容：「冇人情，由開始到而家我都唔覺有關當局有人情，sorry 我真係睇唔到。」