（獨媒報導）自稱民主派或「非建制派」的候選人，在地區直選全敗，其中參選港島東的潘焯鴻，表示和政府推出免費交通有關，「啲朋友返唔勁嚟投票，出咗去！有一家去咗西貢，結果十點半先返到嚟。」他又稱，自己已攞足偏藍和偏黃間的選票，「但選民無出嚟投票囉。」他表明往後未必再考慮參選，「只會做一個好尖銳批評政府嘅KOL。」
未有上台聽結果 指在酒店睡着
對於未有上台聽取選舉結果，潘焯鴻辯稱自己在租住的酒店睡着了，沒有人通知他上台，「起身嘅時候已經有記者WhatsApp我了，起都起唔切。」
在港島東三名候選人中，工聯會吳秋北取得64,509票，民建聯梁熙獲26,799票，新民黨廖添誠獲23,171票，潘焯鴻只取得14,435票。
見記者時，潘焯鴻多次重複稱政府的免費交通政策「令成件事亂咗」，從而導致制度清一色。他認為北京已大打開口牌，但特區政府卻未能做到對方要求，「解釋唔到畀市民聽，唔好對選舉制度咁負面情緒」。他又推搪政府初時宣傳不足，及後卻大賣「橙色嘅廣告」，「我到依家都記唔到slogan係點。」
取得一成一選票稱「算唔錯」
港島東的投票率為31.03%，潘焯鴻稱「差百分之三點一就去到第二位」，認為投票率影響選舉結果，但又稱在低投票率下，自己取得一成一的選票「相對算唔錯嘅結果。」
潘焯鴻又表示，在11月22日才開始選舉工程，「因為無ready入到閘，所以係11月22號」，指初時進行滾動民調的投票率為27%，及後至昨日53%，又死撐稱「我支持度係有嘅，問題在於呢喺後面⋯⋯建制嘅鐵票有15萬票，但淨係出咗11.14萬，出咗七成度。」
對於非建制派全軍覆沒，潘焯鴻認為對市民重新投入公民社會有很大障礙，清一色的結果反映選舉制度不完善。被問到為何在最後一日才告急，潘焯鴻表示，自己除了面對建制派三大黨，還要面對反選的思潮及氣氛，認為港人西瓜靠邊站，和指「睇住人哋嚟衰」已凌駕一般意識，稱自己已蝕了不少票，「只能夠衝，唔能夠縮，一縮就唔洗選。」