（獨媒報導）新一份《財政預算案》今日出爐，大部份立法會議員均表示歡迎，惟社會福利界的狄志遠唱反調，批評財政司司長陳茂波對於扶貧工作隻字不提，反問「開心香港」對貧窮家庭而言「有咩咁值得開心？」
狄志遠：精準扶貧只係空談
新思維主席狄志遠下午帶同「開心香港，窮人無望」的道具牌出席記者會，他不滿財政司司長陳茂波對於扶貧工作隻字不提，形容對預算案感到非常失望，「所謂香港開心啲增加笑臉，又美食又遊樂又文青，司長講得好開心，但我代入貧窮家庭，有咩咁值得開心呢？」
他續斥政府的扶貧工作沒有資源配合，指「精準扶貧只係一個空談」，認為預算案有疏漏：「唔好諗住你派咗錢，減咗啲電費，或者減咗開支，咁就等於做咗扶貧工作。」
狄志遠
狄志遠又指，政府在今個財政年度削減社福界1%經常性開支，指疫情下老人院及殘疾院舍承受很大壓力，不滿只有福利機構被削減開支，「喺前線服務，包括學校、醫院係冇削減1%，點解唯獨福利機構要減1%開支呢？我覺得呢樣係唔公平！」
他又批評陳茂波的理財理念，稱看不見當中邏輯推動香港長遠發展，「我只係覺得有一蚊就洗一蚊，多錢時候洗多啲，冇錢時候慳啲洗。」