（獨媒報導）政府擬修例規定全港所有地盤範圍禁煙，工人違者最高罰款為15萬元，僱主及分判商可罰款40萬元。香港建造業總工會理事長周思傑表示15萬元係罰款太高，認為極端及不合理：「呢個其實唔係阻嚇性，呢個係好極端嘅處罰。我哋工人嘅人工點樣高都好，佢都無可能話15萬㗎嘛！」他建議設立定額罰款，例如第一次應罰款3,000元，第二次再犯則5,000元，已具有一定阻嚇性。
工聯會屬會香港建造業總工會早前進行地盤禁煙問卷調查，在一星期內訪問了439名會員，當中51.5%支持全面禁煙，48.5%表示反對。被問到結果「一半半」，周思傑今早在港台節目《千禧年代》強調，工會支持地盤禁煙，業界包括業主、分判商亦支持政策：「始終提倡唔吸煙都係有益嘅，有超過一半工友支持，大家都係一個共識嚟嘅。」
周思傑（資料圖片）
倡定額罰款 認為已可起阻嚇作用
調查指69.5%受訪者認為罰款金額不合理，周思傑就認為「罰款具阻嚇性係應該嘅」、「但係咪應該15萬呢」：「呢個其實唔係阻嚇性，呢個係好極端嘅處罰。我哋工人嘅人工點樣高都好，佢都無可能話15萬㗎嘛。當然罰款係有嘅，都要有個阻嚇性㗎嘛，係咪有個定額罰款呢，好似我哋而家3,000蚊，甚至乎你5,000蚊都係可以接受，15萬就真係好極端囉。」
周思傑建議，定額罰款首次係金額應為3,000元，第二次再犯則是5,000元，第三次則是辭退工人，認為已可以起阻嚇作用。
工人立法後偷食？ 周思傑指法例可支撐管理人員執法
至於立法後會否仍有工人在地盤「偷食」，周思傑認為涉及地盤管理，指未有法例之前，地盤已有「家規」列明不准工人在地盤內吸煙，惟承認有「奀皮啲嘅工友」在地盤吸煙。不過，他指法例日後執行上有依據及執行得好，相信可以盡量避免出現該情況。
周思傑重申是管理問題，即使有工友的煙癮較大，地盤亦設有吸煙區，但指地盤範圍較大：「佢哋係咪好誠心，有煙癮嘅時候走去吸煙區呢？咁就一個疑問啦，效果唔係咁好嘅。」他認為如果有法例支撐，能讓地盤管理人員執行得到，不准工人帶煙進入，「效果會好好多」。