（獨媒報導）屯門大興邨興泰樓被圍封兩日後，今日解封，有居民離開時向記者稱不滿當局派飯安排，斥派餐時間不準，飯盒質素又差令不少住戶選擇丟棄，「邊個想食你啲飯？」有住戶不擔心受到感染，認為日常生活例如乘搭交通工具時，都會有大量人聚集，「一定會受感染㗎。」
延遲解封近一個半鐘 有人投擲膠樽
屯門大興邨興泰樓污水樣本被驗出陽性，在2月5日被圍封，原定昨日早上解封，但行動中發現11宗初步陽性和一宗檢測結果不確定個案，當局決定延長圍封至今早七時半，興泰樓所有樓層的06單位住戶昨晚亦因垂直傳播撤離。大廈最終延遲一個半小時至九時才被解封，共有5546人次接受檢測，合共發現15宗初步陽性和一宗檢測結果不確定個案。
政府原訂於今早7時半解封興泰樓，最終延遲一個半小時。期間有居民不滿，向街投擲膠樽，亦住戶在大堂內叫囂，警員上前協調，數分鐘後離去。現場約早上8時響起火警鐘，四架消防車其後到場。近早上8時半，有一名婆婆在大堂與職員隔欄爭論，疑欲外出，職員向她指大廈尚未解封，即使持有訊息亦不能離開，又數度以普通話重覆「我幫你報警」。
市民不滿派飯安排：邊個想食你啲飯？
興泰樓最終在早上約九時解封，任職地盤的梁先生怒斥解封時間「唔三唔四」，致今日不能上班，不忿圍封安排「阻咗好多人」。他認為政府應該向受影響員工派發津貼，斥消費券只是「益晒大財團」，諷刺政府「好似冇錢咁，派錢都要分期俾，你估好似市民買嘢分期付款咩？」他又斥一眾官員明顯不關心市民，「佢啲高官瞓喺枕頭度諗嘢瞓覺，你哋（市民）咪喺出邊做，俾老細話囉！」
梁先生
他同樣以「唔三唔四」形容派飯時間，指自己曾質問職員「呢餐係中午餐定晚餐？三點半你先派餐俾人！」他又認為政府派發飯盒是浪費金錢，因為大部份人家中都有食物，「大佬邊個想食你啲飯？」稱見不少住戶將飯盒隨手丟棄。
住戶陳女士亦提及派飯安排，形容飯盒「唔好食、凍冰冰、食唔落，咁冇法子啦！」她又抱怨派餐時間不準，指昨日下午近兩時落樓取午餐，「肚餓到我哋暈」，而派晚餐的時間又與檢測時段重疊。陳女士指圍封期間，主要在家看電視，對延遲解封影響不大，稱「想香港個個平安」。
市民不擔心染疫：一定會受感染㗎
住戶蔡先生則稱自己「完全收唔到資訊話幾多點解封」，故不論提早或延遲解封，自己都不清楚。他表示，今天原要在早上九時上班，幸好上司知道及理解他今日遲到的原因，又笑稱「我諗全香港都冇乜人唔知」。
蔡先生
他又表示，自己早已預料會被「不斷圍封」，又向記者指「隨時聽日可能你哋都俾人圍封」，又續指「現今政府話點就點，我哋都冇得揀」。至於會否擔心自己染疫，他「豁達」指自己並不擔心，「都冇得避」，又認為市民每日需要乘搭交通工具，大量人群聚集「一定會受感染㗎」。
