（獨媒報導）逾70年歷史、位於上水古洞北馬草壟的志記鎅木廠，周二（9月29日）被地政總署圍封收地，負責人王鴻權終於「被退休」。他在2019年因脊椎退化左腳突然劇痛，「踮下踮下，行都行唔到」，一度需使用拐杖，惟權哥忍痛繼續工作，「揸拐杖嘅時候我都係照做嘢，坐係到做囉」。儘管太太勸告退休，權哥只盼自己的木工知識能繼續傳授給下一代，即使木廠被關，亦希望繼續開班，「咁有意義的事，應做到無能力為止」。
木廠生活單調 三個人三隻狗平淡過活
志記鎅木廠落入新界東北第一階段工程收地範圍，收地限期於9月13日屆滿，惟權哥一直沒有遷走並期望獲得寬限，以便繼續營業清走木材。不過當局拒絕延期收地，並於昨日（周二）被地政總署圍封收地。
昨日下午1時，工人配備大量白色布袋及竹籃清場，權哥的「搵食架撐」如焊機、電頭鋸、鋸片及木條等，「一籮籮」被搬上貨車運走。原本坐在樹蔭下休息的權哥見狀，一瘸一拐走到水馬牆前迷惘道：「清去邊到？」
當權哥感到絕望時，卻收到消息有有心人願意租出坪峯約1,000公頃土地給志記重新營業。權哥隨即致電地政職員要求取回饋贈給恒生大學的傢俬，以及放寛限期讓他們消場。然而，由於木材已歸土木工程拓展署所有，地政要求權哥向土拓署跟進。經過一番「電話打唔通」、「搵唔到對口」後，權哥盡顯疲態。他說，以前生活好單調，「邊會有大龍鳳」。
權哥居於小西灣，每天乘車兩小時返回志記開工。他清晨五時便起床拉筋舒展筋骨，然後乘坐過海巴士到紅磡，再到粉嶺搭小巴回志記，「日日如是，我都習慣啦」。木廠只由權哥和一位伙記主理，「兩個人夾手夾腳」處理整個木廠的訂單。權哥的胞妹王美嬌（妹姐）亦會木回廠幫手和包辦他們和三隻狗每日的膳食。一個工廠，三個人，三隻狗，日出而作，日入而息，每天都是這樣平淡地過。
三狗討呵護 掛念每天的「tea time」
權哥說生活過得平淡，未曾在木廠經歷特別開心的事，但會掛念每天的「tea time」。三隻狗一到下午，便會走到他身邊「轉來轉去」，討權哥呵護，「啲狗聽話已經好開心啦」。
木廠清拆，權哥及妹姐最不捨得三隻狗—— 「刀仔」、「燒賣」及「小黑」。妹姐特別疼愛「刀仔」，因為牠最乖、最溫柔，亦經常伴她左右，就如守護妹姐一樣。昨日，「刀仔」亦一直守候在妹姐身邊，妹姐亦多次牽着牠的狗繩，在附近繞圈散步，趁被領養者接走前多陪伴牠。每當經過圍封範區時，「刀仔」會停低望向木廠。妹姐則安慰道：「你唔好咁樣啦，聽日嚟探你喇」。當「刀仔」被領養者接走後，妹姐顯得份外憔悴，她看到願意租出地方的有心人時，更忍不住相擁灑淚。
收地前夕腳痛失眠 權哥： 都幾煎熬
權哥每天清晨起床除了回志記，還會到一個地方，便是物理治療中心。3年前，即是新界東北第一階段工程收地展開那年，權哥左腳突然劇痛，「踮下踮下，行都行唔到，要揸拐杖」。他為了生計，「揸拐杖嘅時候我都係照做嘢，坐係到做囉」。可是腳痛沒有好轉反而惡化，權哥走到醫院照X光，發現脊椎嚴重退化，令盆骨收窄壓住神經線而出現腳痛。
若不及時做手術，權哥便會大小二便失禁。可是手術費達30多萬，公立醫院排期又長，權哥於是選擇做物理治療。權哥指，雖然接受治療後情況有好轉，原本由一星期一次治療轉為兩星期一次。但天氣一轉便腳痛發作，收地前一晚更「訓都訓唔到，成晚都痛」，惟早上卻迎來收地惡夢，「第二朝就收到電話，都幾煎熬㗎」。權哥亦坦言，因為腳患，在兩年的搬遷限期內不便找地方，「搵啲地方只係搵過一兩次，所以整笪地都唔能夠整到囉」。
權哥保持樂觀：迫你退休 無咁頻撲
權哥太太曾數度勸他退休，可是權哥舉辦木工班時認識不少年輕人，感受到他們對工匠的尊重，「唔會話你無料到就唔尊重，每一句說話每一樣野都好實際，唔會話講假話」，既然他們有心學習，就更應繼續做，好好地把自己的知識傳授給下一代。他指若未來有機會教班必定會做，「咁有意義的事，應做到無能力為止。」
權哥與地政及土拓署一番周旋後，土拓署指未能就權哥要求，讓他取回饋贈給恒大的傢俬以及再次放寛期限。「宜家乜都無啦，乜都無就乜都無」，權哥嘆道。然而，權哥仍然笑容滿臉，保持樂觀，「有好有唔好嘅，咁都要迫你退休啦，無咁頻撲」。
