（獨媒報導）政務主任AO在政策制訂擔任重要角色，亦是日後晉身首長級公務員的踏腳石。公務員事務局局長楊何蓓茵在港台訪問透露，去年成功招聘兩名在內地接受基礎教育，其後來港讀大學的「港漂」做AO。她更表示去年發出聘書時，兩人的廣東話「仲係有啲改進空間」，到今年入職時已「大有進步」，證明二人「覺得自己係香港人，服務香港社會」。
楊何蓓茵在港台「上任兩周年」訪問表示，《基本法》要求只要是香港永久性居民就可以投考公務員，去年當局招聘政務主任，成功招聘到兩名「港漂」，「都喺內地接受基礎教育嘅，後嚟喺香港接受大學教育，咁佢住滿咗7年成為香港居民，咁佢投考考到喎，咁所以而家係入咗職㗎喎」。
楊何蓓茵（影片截圖）
看到「努力」 感覺對方「覺得自己係香港人」
她續指，很記得去年招聘時，「佢哋廣東話都仲係有啲改進空間，咁我哋發出聘書後，都有提佢哋呢點，到佢地入職時，大有進步」。她從事件看到兩人「好努力」，「覺得自己係香港人，服務香港社會」。
對於公務員編制，她強調維持「零增長」，部分程序省卻從而騰出人手，並調動至其他有需要地方，她強調控制編制的工作「年年月月做」，公務員編制很有機會進一步下降。不過她同時指出，警隊人手因應科技罪案增加，「要開多啲職位」。
加薪不是「全部」 議員市民肯定亦重要
至於今年三層公務員劃一加薪會否打擊士氣，楊何蓓茵表示加薪的確可以增加士氣，「但呢啲唔係全部，立法會議員嘅肯定，市民嘅肯定，呢啲都係能夠提升同事士氣」，她呼籲不論議員和市民，都不要吝嗇對公務員的欣賞。
公務員「向中央負責，受中央監督」
有關更新版《公務員守則》楊何蓓茵表示「唔係新嘢嚟嘅」，全部信念都是市民對公務員的期望，「同事唔應該有壓力，唔係啲加上去嘅嘢」。她又指維護國家安全和憲制秩序是最重要一點，並指出公務員「向中央負責，受中央監督」，如果國家無安全，就無從發展，香港亦會無從發展，她提醒公務員要明白「喺大環境下做嘢」，要提供最好服務予市民，並要「提供最好支持畀特首」。